नवी दिल्ली | वाढत्या तंत्रज्ञानासह भारतात स्वायत्त किरकोळ स्टोअरची संकल्पना प्रत्यक्षात आली आहे. वॉटसेल नावाचे अशाच प्रकारचे पहिले दुकान कोचीमध्ये उघडले आहे. या दुकानांबाबत एक विशेष म्हणजे या दुकानात विक्रेते किंवा रोख रजिस्ट्रार नाहीत. या दुकानात ग्राहकांना आवश्यक असलेल्या गोष्टी उचलण्याची परवानगी आहे.
वॉटसेल या दुकानात खरेदी करण्यासाठी सर्व ग्राहकांना वॉटसेल अॅप डाउनलोड करून क्यूआर कोड स्कॅन करावा लागेल.ग्राहकांना या दुकानामध्ये प्रवेश करण्यास एक पास देण्यात येतो. या दुकानामध्ये वस्तूंच्या दोन पंक्ती आहेत. ज्यात अन्न व पेय पदार्थ तसेच टॉयलेटरीज समावेश आहे. या पंक्तीमध्ये निश्चित केलेले सेन्सर उचलल्या जाणाऱ्या उत्पादनांची स्वयंचलितपणे नोंद घेतली जाते. ग्राहक दुकानातून बाहेर पडल्यानंतर त्यांच्या फोनवर बिल तयार केले जाते. जे बिल त्यांना ऑनलाइन भरता येते. ही कंपनी दुकानामध्ये प्रवेश करण्यापूर्वी प्री लोडेड वॉलेट प्रदान करण्यासाठी काम करीत आहे.
कोचीच्या ५ अभियंत्यांनीची ही संकल्पना आहे. २०१५ पासून ते या विषयावर काम करीत आहेत. त्यांनी यापूर्वी विविध मॉडेलवर संशोधन आणि प्रयोग केले आहे. हे स्टोअर कोणत्याही बाह्य निधीशिवाय लॉन्च केले गेले आहे. परंतु, ही कंपनी नवी दिल्ली आणि बंगलोरमध्ये समान स्टोअर लॉन्च करण्यासाठी गुंतवणूक शोधत आहे. वॉटसेलला मित्सुई अँड कंपनीकडून गुंतवणूकसाठी ऑफर देखील मिळाली आहे. त्यामुळे आता भारतात सुपरमार्केटची संकल्पना देखील लवकरच अंमलात येण्याची शक्यता आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
