मुंबई | देशासह राज्यात ‘कोरोना’बाधितांचा आकडा तासागणिक वाढत चालला आहे. राज्यातील कोरोनाबाधितांचा आकडा १२२ वरून आता १२४ वर पोहोचला आहे. “बुधवारी (२५ मार्च) संध्याकाळी, मुंबईत १ व ठाण्यात 1 असे २ बाधीत रुग्ण आढळून आले आहेत. यापैकी १५ सदस्य बरे होऊन रुग्णालयातून डिस्चार्ज झाले आहेत”, अशी माहिती राज्याचे आरोग्यमंत्री राजेश टोपेंनी दिली आहे. त्याचप्रमाणे, राज्यात कोरोनामुळे झालेल्या मृत्यूची संख्या आता ४ झाली आहे. वाशीतील एका महिलेचा आज (२६ मार्च) कोरोनामुळे मृत्यू झाला आहे. राज्यातील वाढत जाणारा आकडा हा आता सरकारच्या चिंतेचा विषय बनत असला तरीही या पार्श्वभूमीवर एक जबाबदार नागरिक म्हणून प्रत्येकानेच केंद्र आणि राज्य सरकारच्या सूचनांचे काटेकोर पालन करणे अत्यंत आवश्यक आहे. आपण बाहेर न पडता, घरातच बसून जर सरकार आणि पोलीस प्रशासनला सहकार्य केले तर कोरोनाबाधितांच्या या आकड्यात लवकरात लवकर घट झालेली पाहायला मिळेल.
महाराष्ट्र राज्यात कोरोना बाधीत रुग्णांची संख्या 124 झाली आहे. काल संध्याकाळी, मुंबई 1 व ठाणे 1 असे 2 बाधीत रुग्ण आढळून आले आहेत. यापैकी 15 सदस्य बरे होऊन रुग्णालयातून डिस्चार्ज झाले आहेत.#CoronaVirusUpdates #MeechMazaRakshak #मीचमाझारक्षक #मैंहीमेरारक्षक
— Rajesh Tope (@rajeshtope11) March 26, 2020
राज्यातील कोरोनाबाधितांचा एकूण आकडा – १२४
मुंबई – 52
पिंपरी चिंचवड – 12
पुणे – 19
नवी मुंबई – 5
कल्याण – 5
नागपूर – 4
यवतमाळ – 4
सांगली – 9
अहमदनगर – 3
ठाणे – 4
सातारा – 2
पनवेल- 1
उल्हासनगर – 1
औरंगाबाद – 1
रत्नागिरी – 1
वसई-विरार – 1
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
