चेन्नई | तामिळनाडूचे माजी मुख्यमंत्री आणि डीएमकेचे प्रमुख एम. करुणानिधी यांच्या पार्थिवावर मरीना बीचवरच अंत्यसंस्कार होणार आहे. असा निर्णय मद्रास उच्च न्यायालयाने दिला आहे. दक्षिण भारताच्या राजकारणातील पितामह म्हणून ओळखले जाणारे एम. करुणानिधी यांचे मंगळवारी निधन झाले. त्यांच्या निधनाने संपूर्ण तामिळनाडूमध्ये शोकाकुल वातावरण पसरले आहे.
अंत्यसंस्काराच्या जागेवरून वाद
द्रविड मुनेत्र कडगम पक्षाचे सर्वेसर्वा एम. करुणानिधी यांच्या मृत्यूनंतर त्यांच्यावर कुठे अंत्यसंस्कार होणार यावरून वाद सुरू झाला. सीआरझेडच्या नियमानुसार मरीना बीचवर अंत्यसंस्कार होऊ शकत नाही. यानंतर द्रमुकच्या समर्थकांनी मद्रास उच्च न्यायालयात धाव घेतली. द्रमुकने दाखल केलेल्या याचिके विरोध करताना प्रोटोकॉलचा मुद्दा उपस्थित केला गेला.
यानुसार करुणानिधी हे माजी मुख्यमंत्री असल्याने त्यांच्यावर मरीना बीचवर अंत्यसंस्कार केले जाऊ शकत नाही. पार्थिवावर मरीना बीचवर अंत्यसंस्कार करण्याचा येणार होता. परंतु मद्रास उच्च न्यायालयात आज (बुधवारी )सकाळी या याचिकेवर सुनावणी झाली.करुणानिधी मुख्यमंत्री असताना त्यांनी माजी मुख्यमंत्री जी. रामचंद्रान असल्याने त्यांच्या पार्थिवावर मरीना बीचवर अंत्यसंस्कार होऊ शकत नाही, असे त्यावेळेचे मुख्यमंत्री करुणानिधी यांनी म्हटले होते. न्यायालयात असा युक्तीवाद झाला असून तो न्यायालयाने मान्य देखील केला.
मरिना बीचवरील स्मारक
माजी मुख्यमंत्री एम. जी. रामचंद्रन आणि माजी मुख्यमंत्री जयललिता यांच्यावर देखील मरीना बीचवर अंत्यसंस्कार करण्यात आला होता. या दोघांच्या अंत्यसंस्कारानंतर या बीचवर त्यांचे स्मारक देखील उभारले आहे. हे दोन्ही नेते करूणानिधी यांचे कट्टर विरोधक होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
