मुंबई | देशात कोरोना रुग्णांची संख्या वेगाने वाढत आहे. सर्वसामन्यापासून ते राजकीय नेते मंडळ यांना देखील कोरोनाचा संसर्ग होत आहे. महाराष्ट्रातील आतापर्यंत तीन नेत्यांना कोरोनाची लागण झाली आहे. आता महाराष्ट्रापाठोपाठ दिल्लीचे आरोग्य मंत्री सत्येंद्र जैन यांनाच कोरोाची लागण झाल्याने एकच खळबळ माजली आहे. सत्येंद्र जैन यांची कोरोनाची दुसरी चाचणी पॉझिटिव्ह आली आहे. याआधी केलेली कोरोनाची चाचणी निगेटिव्ह आली होती.
Delhi Health Minister Satyendar Jain tests positive for #COVID19: Office of Delhi Health Minister pic.twitter.com/d27YmJpGpH
— ANI (@ANI) June 17, 2020
दरम्यान, दिल्लीत कोरोनाचा वाढता संसर्ग पाहाता गेल्या काही दिवसांपूर्वी केंद्रीय गृहमंत्री अमित शहा यांनी दिल्लीचे मुख्यमंत्री अरविंद केजरीवाल आणि इतर अधिकाऱ्यांसोबत अनेक बैठका बोलविली होती. या बैठकीत आरोग्यमंत्री म्हणून सत्येंद्र जैन उपस्थित होते. आरोग्यमंत्र्यापाठोपाठ आपच्या आमदार आतिषी यांना देखील कोरोनाची लागण झाली आहे.
काही दिवसांपूर्वी दिल्लीचे मुख्यमंत्री अरविंद केजरीवाल यांचीही कोरोना टेस्ट करण्यात आली होती. अरविंद केजरीवाल ताप आणि खोकल्याच्या त्रास जाणवत होता. त्यामुळे त्यांची कोरोना टेस्ट करण्यात आली. मात्र, त्यांच्या टेस्टचा अहवाल निगेटिव्ह आला. त्यानंतर अरविंद केजरीवाल यांनी दोन दिवसांच्या विश्रांतीनंतर पुन्हा काम सुरू केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
