मुंबई | देशभरात इंधन दरवाढ थांबण्याची कोणतीही चिन्हे दिसत नाहीत. मुंबईत आज (शनिवारी) पेट्रोलच्या किंमती ११ पैशांनी वाढल्या आहेत. मुंबईत आता पेट्रोलची किंमती ८९.८० रुपये इतकी झाली आहे. एकीकडे पेट्रोलच्या किंमतीत दर दिवशी वाढ होत असताना दुसरीकडे डिझेलच्या किंमती स्थिर आहेत. सलग चौथ्या दिवशी डिझेलच्या किंमतीत कोणतीही वाढ झालेली नाही.
काँग्रेस अध्यक्ष राहुल गांधींनी १० सप्टेंबर रोजी मोदी सरकारच्या कार्यकाळात सतत वाढणाऱ्या महागाई विरोधात ‘भारत बंद’ची हाक दिली होती. या आंदोलनाला चांगला प्रतिसाद जरी लाभलेला असला तरी सरकारवर याचा कोणताही परिणाम झालेला नाही. आंतरराष्ट्रीय बाजारात होणारे रुपयाचे अवमूल्यन तसेच कच्च्या तेलाचे भाव प्रचंड प्रमाणात वाढल्याने देशातील इंधनाच्या दरात मोठ्या प्रमाणात वाढ झाली, असे सरकारकडून वारंवार सांगण्यात येत आहे.
देशभरात अनेक राज्यांत इंधनाच्या किंमतींनी आधीच नव्वदी पार केली असून मुंबईतदेखील लवकरच पेट्रोलच्या किंमती नव्वदी गाठण्याची शक्यता आहे. देशाची राजधानी दिल्लीत देखील पेट्रोलच्या किंमतीत १२ पैशांनी वाढ झाली असून पेट्रोल प्रति लिटर ८२.४४ रुपये एवढे झाले आहे. दिल्लीतही डिझेलची किंमत मात्र ७३.८७ रुपयांवर स्थिर आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
