नवी दिल्ली | मुंबईत आज (शुक्रवारी) पुन्हा पेट्रोल ९ पैसे प्रति लिटर एवढे महाग झाले आहे. पेट्रोल, डिझेलच्या किंमतीत दिवसेंदिवस अधिकच वाढ होत आहे. मुंबईत आजची पेट्रोलची किंमत प्रतिलिटर ८९.६९ तर डिझेलची किंमत ७८.४२ एवढी झाली आहे. देशातील इंधन दरवाढीला लगाम बसण्याची कोणतीही शक्यता सध्या तरी दिसत नाही. याबाबतीत अद्याप सरकारकडून विशेष लक्ष किंवा ठोस पावले उचलण्यात आलेली नाहीत.
राजधानी दिल्लीतदेखील पेट्रोल १० पैशांनी महागले आहेत. इंधन दरवाढीमुळे देशातील सर्वसामान्य जनता पिळवटून निघालेली असताना प्रशासनाला मात्र याची कोणतीही पर्वा नसल्याचेच चित्र दिसत आहे. आधीच देशातील बऱ्याच राज्यात इंधनाच्या किंमतींनी नव्वदी पार केलेली आहे. आंतरराष्ट्रीय बाजारात रुपयाचे अवमूल्यन होत असल्याने तसेच कच्च्या तेलाचे भाव गगनाला भिडल्याने देशातील इंधनाच्या दरात मोठ्या प्रमाणात वाढ झाली, हीच कारणे वारंवार सरकारकडून देण्यात येत आहेत.
काँग्रेस अध्यक्ष राहुल गांधींनी १० सप्टेंबर रोजी मोदी सरकारच्या कार्यकाळात सतत वाढणाऱ्या महागाईच्या विरोधात ‘भारत बंद’ची हाक दिली होती. या आंदोलनात २१ राजकीय पक्षांनी समर्थन आणि सहभाग घेतला होता
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
