HW News Marathi
देश / विदेश

देशभरात १ डिसेंबरपासून कुठेही उडवा ड्रोन

नवी दिल्ली | देशातील अनेक नागरिकांच्या मनात ड्रोन उडवण्याची इच्छा आता पूर्ण होणार आहे. नागरी उड्डाण मंत्रालयाने यासंदर्भात एक नियमावली तयार केली आहे. आता ही इच्छा १ डिसेंबर २०१८ पासून पूर्ण होणार आहे. मात्र ड्रोनच्या वापरावर सरकारकडून काही अटी घालण्यात आल्या आहेत.

नागरी उड्डाण मंत्रालयाकडून रिमोटली पायलटेड एअरक्राफ्ट सिस्टीम (आरपीएएस)च्या वापरासंदर्भात ही नियमावली बनवली आहे. या नियमानुसार एअरस्पेसला तीन नियमांमध्ये विभागण्यात आले आहे. पहिल्या रेड झोन या नियमात एअरपोर्ट, आंतरराष्ट्रीय बॉर्डर, दिल्लीचा विजय चौक, राज्यांचे सचिवालय आणि सुरक्षेसंदर्भातील अन्य स्थळांवर ड्रोन उडवू शकत नाही. यल्लो झोन (नियंत्रित वायू क्षेत्र) आणि ग्रीन झोनमध्ये ड्रोन उडवण्याची परवानगी आहे. ड्रोनचा वापर ४०० फुटांच्या उंचीपर्यंत करू शकता, असे या नियमावलीत स्पष्ट केले आहे.

तसेच ड्रोनबाबतही पाच श्रेणी ठरवण्यात आल्या आहेत. ज्यात नॅनो ड्रोन- २५० ग्रॅम, मायक्रो ड्रोन- २५० ग्रॅमपासून २ किलो, मिनी ड्रोन- दोन किलोपासून २५ किलो, स्मॉल ड्रोन- २५ किलोपासून १५० किलो आणि लार्ज ड्रोन- १५० किलोंचा सहभाग आहे. विशेष म्हणजे ड्रोन उडवणा-यांना आधी नोंदणी करावी लागणार आहे. त्यानंतर तुम्हाला मोबाइल अॅपच्या माध्यमातून परवानगी मिळणार आहे. नागरी उड्डाण मंत्री सुरेश प्रभू यांनी या निर्णयाची घोषणा केली आहे.

Related posts

राहुल गांधींनी शिवजयंतीनिमित्त मराठीतून शुभेच्छा

News Desk

नारायण राणेंच्या अटकेनंतर जे.पी. नड्डांनी ट्विट करत दिले असे संकेत!

News Desk

… जेव्हा जिन्ना भगतसिंग यांना मदत करु इच्छितात

News Desk
मुंबई

सीएसटी जीआरपी पोलिसांकडून चालत्या रेल्वेत पर्स ओढणाऱ्या आरोपीला अटक

swarit

मुंबई | मस्जिद बंदर ते सॅन्डहर्स्ट रोड रेल्वे स्टेशन दरम्यान २२ ऑगस्ट रोजी डाऊन मेल गाडीतून प्रवास करणाऱ्या एका प्रवासी महिलेची पर्स खेचून चोराने चालत्या गाडीतून पळ काढला. सदर महिला ह्या घटनेत जखमी झाली होती. या घटनेचा छत्रपती शिवाजी महाराज टर्मिनस जीआरपी पोलिसांनी छडा लावला. आणि आरोपीची कोणतीही माहिती नसतांना आरोपीला शोधून अटक करण्यात आली.

या कारवाईसाठी निकेत कौशिक, पोलीस आयुक्त लोहमार्ग, पुरुषोत्तम कराड, पोलीस उप आयुक्त, यांच्या मार्गदर्शनाखाली सीएसटी जीआरपी टीमच्या अथक परिश्रम घेवून चार दिवसात आरोपीस अटक केली.

काय आहे नेमकी घटना

छत्रपती शिवाजी महाराज टर्मिनस २२ ऑगस्ट रोजी फलाट क्रमांक १७ वरून डाऊन उद्यान एक्स्प्रेस बोगी क्र. एस/३, या मेल गाडीतून प्रवास करणाऱ्या पीडित महिला प्रतिभा त्रिपाठी ह्या त्यांच्या बहिणीला भेटण्यासाठी सीएसटीएम स्थानाकवरून बेंगळुरू या ठिकाणी जाण्यासाठी उद्यान एक्स्प्रेस मधील सिट क्र. ८ वरून प्रवास करत होत्या. गाडीने फलाट सोडताच एक इसम गाडीत शिरला असता त्याने पीडित प्रतिभा त्रिपाठी यांची पर्स खेचण्याचा प्रयत्न केला.

या वेळी ५८ वर्षीय प्रतिभा त्रिपाठी यांनी स्वतःची पर्स हातात धरून आरोपीस प्रतिकार करण्याचा प्रयत्न केला असता आरोपीने त्यांना खेचत ट्रेनच्या दरवाज्याजवळ आणले. या झटापटीत प्रतिभा यांना आरोपीने ट्रेनच्या बाहेर ओढल्याने प्रतिभा त्रिपाठी ट्रेनच्या बाहेर फेकल्या गेल्याने त्यांच्या डोक्याला मार लागून उजव्या हाताला गंभीर फ्रॅक्चर झाले यानंतर आरोपीने जागेवरून पळ काढला असता या संबंधी तक्रार सीएसटी जीआरपी पोलिसांकडे करण्यात आली.

दरम्यान, या घटनेची गंभीर नोंद घेत असताना जीआरपी पोलिसांच्या खबऱ्यांकडून मिळालेल्या माहितीवरून २६ ऑगस्ट रोजी मुंबईतील जेजे रुग्णालयाच्या बाहेर गेट नंबर ६ समोरील फुटपाथवर झोपलेल्या मुक्कदर मुमताजअली इद्रीसी २४ वर्षे यास ताब्यात घेऊन चौकशी केली.आरोपी मुक्कदर इद्रीसी हा मूळचा उत्तर प्रदेशातील अगवना तालुक्यातील दार्जिपूर्वा गावाचा रहिवाशी आहे. तसेच त्यास अमली पदार्थांचे व्यसन होते. चौकशी दरम्यान आरोपीने आपला गुन्हा कबुल केला. पोलिसांनी आरोपीकडून चोरी केलेला मोबाईल व इतर मुद्देमाल हस्तगत केला असून या संदर्भात पोलीस अधिक तपास करीत आहेत.

Related posts

एसटी – टेम्पोच्या धडकेत नऊ ठार; १० गंभीर जखमी

News Desk

भारतात प्रथमच दहा शहरांत ई-स्पोर्ट स्पर्धा होणार

swarit

या अधिकाऱ्यांना POKमध्ये पाठवा !

News Desk