मुंबई : महाराष्ट्रातील जनतेची सेवा करणाऱ्या आमदार यांना किती पगार आहे. हे जाणून घेणयासाठी आपण सर्वजण उत्साहित आहोत. महाराष्ट्र सरकारने २०१८ या वर्षाच्या कालावधीत आमदारांवर किती पैसे खर्च केले आहेत. या सर्व खर्चाची माहिती ठाण्यातील आरटीआय कार्यकर्ते प्राजक्त झावरे-पाटील यांनी महाराष्ट्र विधानमंडळाकडून ही माहितीच्या अधिकारा अंतर्गत अर्ज करुन ही धक्कादायक माहिती मिळाली आहे.

महाराष्ट्रातील आमदारांना एकूण पगार, मूळ पगार, महागाई भत्ता आणि इतर भत्ते यांची सर्व माहिती मिळवली आहे. महाराष्ट्रातील आमदारांना प्रत्येक महिन्यात ६७,००० रुपये हा त्यांचा मूळ पगार आहे. महाराष्ट्रातील सामान्य जनता महागाईत होरपळून निघत आहे. परंतु महाराष्ट्रातील आमदारांना मात्र महागाई भत्ता ९१,१२० रुपये मिळतो. आता सर्व आमदारांकडे स्मार्टफोन असून देखील त्यांना जुन्या काळाप्रमाणे दूरध्वनीसाठी महाराष्ट्र सरकार ८,००० रुपये मिळत आहे.

२१व्या शतकात सर्वजण ई-मेलचा वापर करत असताना. परंतु इतिहास जमा झालेल्या टपाल सेवेसाठी सुद्ध सरकार दरमहिना १०,००० रुपये देते. संगणक चालकांच्या सेवेसाठी १०,००० रुपये मिळतात. तर महाराष्ट्रातील आमदारांना एकूण १,८६,१२० रुपये खर्च केले जातात. महागाई भत्ता, टपाल सेवा आणि दूरध्वनी यासाठी खर्च करण्यात येणाऱ्या पैसांवर अनेक सवाल उपस्थित राहिले आहेत.