मुंबई | क्रिकेटच्या जगातील विक्रमी फलंदाज सर डॉन ब्रॅडमन यांची आज ११०वी जयंती आहे. ब्रॅडमन यांच्या ११० व्या जयंतीनिमित्त गुगलने डुडलद्वारे त्यांना श्रद्धांजली अर्पण केली आहे. ऑस्ट्रेलियाचे प्रतिनिधित्त्व करताना ९९.९४ च्या सरासरीने फलंदाजी करणाऱ्या या क्रिकेटरने अनेक सर्वोच्च विक्रमांवर आपले नाव कोरले.
Google dedicated a doodle to Australian cricketer Don Bradman on the occasion of his 110th birth anniversary
Read @ANI Story | https://t.co/IicYo0J0TY pic.twitter.com/l4jJKOTiX5
— ANI Digital (@ani_digital) August 26, 2018
२७ ऑगस्ट १९०८ रोजी ऑस्ट्रेलियातील कुंटमुद्रा येथे सर डॉन ब्रॅडमन यांचा जन्म झाला. सर डॉन ब्रॅडमन यांनी फर्स्ट क्लास क्रिकेटमध्ये ३१ द्विशतके ठोकली. असा विक्रम करणे आजपर्यंत कोणत्याही फलंदाजाला शक्य झालेले नाही. कसोटी क्रिकेटमध्ये ९९.९६ च्या सरासरीने धावा करण्याचा त्यांचा विक्रम आजपर्यंत कोणीही फलंदाज मोडीत काढू शकला नाही. कसोटी क्रिकेटमध्ये दोन त्रिशतके फटकावणारे सर डॉन ब्रॅडमन पहिले फलंदाज ठरले.
क्रिकेटव्यतिरिक्त टेनिस, स्क्वाश, गोल्फ, रग्बी लीग असे खेळही डॉन ब्रॅडमन त्यांना प्रिय होते. सर ब्रॅडमन यांना क्रिकेटसोबतच संगीताचीही प्रचंड आवड होती. तरीही क्रिकेटच्या जगतात ते सर्वाधिक रमले आणि त्यांच्या नावाचा वेगळा ठसा त्यांनी उमटवला. आजही जगाच्या कानाकोपऱ्यात सर डॉन ब्रॅडमन यांचे असंख्य चाहते आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
