मुंबई | आज राष्ट्रीय मतदार दिवस. मतदान करणे हे अत्यंत महत्वाचे आणि तितकेच जबाबदारीचे काम आहे. आगामी लोकसभा निवडणुका काहीच दिवसांवर येऊन ठेपला आहे. उत्तम लोकप्रतिनिधी निवडण्यासाठी मतदान करणे गरजेचे असते. परंतु, मतदान यादीत नाव नसल्याने अनेकांचे नुकसान होते. अर्ज करुनही मतदान यादीत नाव नाही किंवा एकाच संबधित व्यक्तीचे नाव यादीत जास्त वेळा असल्याचे देखील आढळते. काही लोकांचे नाव मतदार यादीतून वगळल्याने दिल्लीत राजकीय पक्षांनी आंदोलन केले होते. यावेळी मतदान यादीत आपले नाव असेल की नाही ? असा प्रश्न नागरिकांच्या समोर निर्माण झाला आहे. यामुळे निवडणूक आयोगाने मतदान यादीत आपले नाव आहे की नाही तपासण्यासाठी एक चांगली युक्ती शोधली आहे.
मतदान यादीतील नावाची तपासणी करण्यासाठी नागरिकांना कामावर रजा घ्यावी लागते. परंतु, घरात बसून मतदार यादीत आपल्या नावाची तपासणी करण्याची सुविधा निवडणूक आयोगाने आणली आहे. यानंतर नागरिकांना मतदार केंद्रात जाण्याची गरज भासणार नाही. नागरिकांना मोबाईलच्या एका संदेशाच्या माध्यमातून सर्व माहिती मिळणार आहे. यासाठी निवडणूक आयोगाने १९५० हा टोल फ्री नंबर सुरु करणार केला आहे. २५ जानेवारीला ‘वोटर्स डे’च्या निमित्ताने या टोल फ्री नंबरचे अनावरण करण्यात येणार आहे. नागरिकांना यादीसह त्याच्या ओळखपत्रात असलेले चुकीचे तपशील ऑनलॉइन दुरुस्त करता येणार आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
