श्रीनगर | जम्मू कश्मीरच्या कठुआ येथे १० जानेवारी रोजी झालेल्या अल्पवयीन मुलीवरील बलात्कार व अत्याचार प्रकरणी सोमवार १६ एप्रिल रोजी स्थानिक न्यायालयात सुनावणी होणार आहे. या प्रकरणी पोलिसांनी ताब्यात घेतलेल्या ८ ही आरोपींना न्यायालयात हजर करण्यात येणार आहे. या बलात्कार प्रकरणाची सुप्रिम कोर्टाने दखल घेतल्यानंतर पिडीतेचे वडीलांना धमकावण्यात येत असल्याचे बोलले जात होते.
पीडीतेच्या बाजूने बाजूने केस लढणा-या दीपिका सिंह राजावर यांना आरोपींच्या समर्थकांनी धमकावले होते. त्यामुळेच या प्रकरणाची सुनावणी दुसऱ्या राज्यात व्हावी अशी याचिका ते सुप्रीम कोर्टात दाखल करणार आहेत.या प्रकरणातील मारेक-यांना वाचवण्यासाठी जम्मूमध्ये अनेक ठिकाणे आंदोलने सुरू आहेत. तर दुस-या बाजूला आरोपींना कडक शिक्षा व्हावी, यासाठी श्रीनगरमध्ये निदर्शने सुरु आहेत. आरोपींवर बलात्कार, खून आणि पुरावे मिटवण्याच्या कृत्यांच्या आधारावर अनेक कलम लावण्यात आली आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
