Connect with us

देश / विदेश

मी कर्ज फेडेन पण व्याज देऊ शकणार नाही !

News Desk

Published

on

नवी दिल्ली | भारतातील बँकांचे जवळपास ९००० कोटी रुपयांचा चुना लावून परदेशात फरार झालेल्या मद्यसम्राट विजय माल्याने अखेर कर्जाच्या मूळ रकमेची परतफेड करण्याची आपली तयारी असल्याचे स्पष्ट केले आहे. मात्र यावेळी या कर्जावर आकारले गेलेले व्याज आपण देऊ शकणार नसल्याचे माल्याने बँकांना ट्विटद्वारे सांगितले आहे.

विजय माल्याने आज (५ डिसेंबर) सकाळी सलग ३ ट्विट करून भारतीय बँकांची बुडवलेल्या कर्जाची पूर्ण रक्कम फेडण्याची तयारी दाखविली असून व्याज देऊ शकत नाही, असे विजय माल्याने या ट्विटमधून स्पष्ट केले आहे.

दरम्यान, काहीच दिवसांपूर्वी विजय मल्ल्यावर परदेशातही बेघर होण्याची वेळ आली होती. विजय माल्ल्याचा लंडनमधील रेजेंट पार्क येथील बंगला जप्त करण्यासाठी स्विस बँक यूबीएस एजीने उच्च न्यायालयात खटला दाखल केला होता. परदेशातही कर्जाची परतफेड न केल्याने विजय माल्ल्यासह सिद्धार्थ माल्ल्यावरही हा खटला दाखल करण्यात आला होता.

देश / विदेश

उर्जित पटेल यांच्याबाबत तुम्हाला या गोष्टी माहित आहेत का ?

News Desk

Published

on

मुंबई | भारतीय रिझर्व्ह बँकेच्या (आरबीआय) गर्व्हनरपदी उर्जित पटेल यांची नियुक्ती करण्यात आली आहे. उर्जित पटेल ५ सप्टेंबर २०१६ पासून रिझर्व्ह बँक ऑफ इंडियाचे गव्हर्नर होते. यापूर्वी ७ जानेवारी २०१३ पासून ते डेप्युटी गव्हर्नर होते. रघुराम राजन यांचा कार्यकाळ संपल्यानंतर उर्जित पटेल यांची भारतीय रिझर्व्ह बॅंकेचे २४ वे गव्हर्नर म्हणून नियुक्ती झाली. त्यांच्या कार्यकाळात नोटबंदीचा निर्णय लागू करण्यात आला. उर्जित पटेल यांचा जन्म १९६३ मध्ये केनियात झाला. लंडनच्या स्कूल ऑफ इकॉनॉमिक्समधून त्यांनी पदवीचं शिक्षण घेतलं पुढील शिक्षण त्यांनी ऑक्सफर्ड आणि येल विद्यापीठातून घेतलं. जागतिक नाणेनिधी मंडळासाठी त्यांनी पाच वर्षं काम केलं. २०१३ साली त्यांची आरबीआयच्या डेप्युटी गव्हर्नरपदी निवड करण्यात आली.

रघुराम राजन यांच्या आधीपासून त्यांनी आरबीआयच्या कामास सुरूवात केली होती. राजन आणि पटेल यांनी वॉशिंग्टन येथे आंतरराष्ट्रीय नाणेनिधीमध्ये (आयएमएफ) एकत्रित काम केले आहे. राजन यांच्या निकटचे सहकारी म्हणून त्यांची ओळख आहे. २८ सप्टेंबर १९६३ साली जन्मलेल्या पटेल यांनी येल विद्यापीठातून अर्थशास्त्रात पीएच.डी केली आहे. बोस्टन कन्सलटिंग ग्रूपचे ते सल्लागार होते. आरबीआयच्या महत्वाच्या निर्णयात त्यांची मोलाची भूमिका राहिली आहे.

पीएचडी झाल्यानंतर पटेल यांनी १९९० साली आयएमएफमध्ये काम करण्यास सुरूवात केली. त्यानंतर ते आरबीआयमध्ये सल्लागार म्हणून रूजू झाले. या काळात आर्थिक सुधारणांसाठी घेतलेल्या निर्णयात मोलाची भूमिका निभावली. त्यानंतर केंद्रीय अर्थ विभागाचे सल्लागार म्हणून त्यांनी १९९८ ते २००१ या काळात काम पाहिले. २०१३ मध्ये त्यांची डेप्युटी गर्व्हनरपदी तीन वर्षांसाठी नियुक्ती करण्यात आली होती. पटेल यांच्यासमोर वाढत्या महागाईवर नियंत्रण मिळवण्याचे मोठे आव्हान आहे. राजन यांनी ज्याप्रमाणे आपल्या कामाचा ठसा भारतीय अर्थक्षेत्रात उमटवला होता. तशाच कामगिरीची पटेल यांच्याकडून अपेक्षा आहे.

Continue Reading

देश / विदेश

विजय माल्ल्याच्या प्रत्यार्पणाचा मार्ग मोकळा

News Desk

Published

on

नवी दिल्ली | भारतीय बँकांचे सुमारे ९ हजार कोटींचे कर्जाचा चुना लावून लंडनमध्ये फरार झालेल्या मद्यसम्राट उद्योगपती विजय माल्ल्याच्या प्रत्यार्पणाचा मार्ग मोकळा झाला आहे. लंडनमधील वेस्टमिन्स्टर न्यायालयाने परवागनी दिली आहे. सीबीआयच्या प्रयत्नांना मिळालेले मोठे यश मानले जात आहे.

माल्या देशाबाहेर पळून गेल्याने मोदी सरकारची मोठी नाचक्की झाली होती. तेव्हापासून माल्याच्या प्रत्यार्पणासाठी भारताकडून सातत्याने प्रयत्न सुरू होते.  या निकालाच्या वेळी हजर राहण्यासाठी ‘सीबीआय’चे सहसंचालक ए. साई मनोहर यांच्या नेतृत्वाखालील ‘सीबीआय’ व ‘ईडी’च्या अधिकाऱ्यांची एक संयुक्त तुकडी येथे आली आहे.

भारत सरकारने केलेल्या प्रत्यार्पण अर्जावर वेस्टमिनस्टर मॅजिस्ट्रेट कोर्टातील न्यायाधीश एम्मा ऑर्बथनॉट या सोमवारी दुपारी निकाल जाहीर करणार आहेत. गेल्या वर्षी ७ डिसेंबरपासून ही सुनावणी सात दिवस व्हायची होती. प्रत्यक्षात ती त्याहून कितीतरी अधिक चालली आहे. यात भारत सरकारची बाजू ब्रिटनच्या क्राऊन प्रॉसिक्युशन सर्व्हिसच्यावतीने मार्क समर्स यांच्या नेतृत्वाखालील प्रॉसिक्युटर्सनी मांडली आहे. मल्ल्याचा बचाव क्लेअर मॉन्टगोमेरी या ज्येष्ठ वकिलाने केला.

कर्जाची मुद्दल फेडायला मल्ल्या तयार

मल्ल्याने घेतलेल्या कर्जाची मुद्दल फेडायला तयार असल्याचे अलीकडेच ट्विटरवरून म्हटले होते, मात्र हे सर्व प्रकरण बंद करण्याची मागणी त्याने केली होती. इतकेच नाही तर त्याने सेटलमेंटचा प्रस्तावही दिला असून कर्ज फेडायला आपण 2016 मध्येच तयार होतो असेही म्हटले आहे. त्याने सरकारला याबाबत एक पत्रही पाठवले आहे. मात्र त्याचे कुठल्याही प्रकारचे उत्तर सरकारने दिलेले नाही.

Continue Reading

HW Marathi Facebook

December 2018
M T W T F S S
« Nov    
 12
3456789
10111213141516
17181920212223
24252627282930
31  

महत्वाच्या बातम्या