मुंबई | मुंबईत आधीच पेट्रोलच्या किंमतींनी नव्वदी ओलांडली आहे. मुंबईत आज पेट्रोलच्या दरात १४ पैशांची वाढ झाली आहे. मुंबईत पेट्रोलची प्रतिलिटर किंमत तब्बल ९०.२२ रुपये एवढी झाली आहे. त्याचप्रमाणे डिझेलच्या दरातही वाढ झाली आहे. मुंबईत डिझेल ११ पैशांची महागले आहे. आता डिझेलची प्रतिलिटर किंमत ७८.६९ एवढी झाली आहे.
मुंबईसह राजधानी दिल्लीतही पेट्रोल, डिझेलचे दर वाढले आहेत. दिल्ली पेट्रोलच्या दरात १४ पैशांची वाढ झाल्याने प्रतिलिटर पेट्रोल ८२.८६ रुपयांवर तर प्रतिलिटर डिझेल ७४.१२ रुपयांवर पोहोचले आहे. डिझेलच्या किंमतीत वाढ झाल्याने माल वाहतुकीच्या खर्चात वाढ झाली आहे. देशातील वाढत्या महागाईविरोधात काँग्रेस आणि इतर २१ पक्षांनी केलेल्या ‘भारत बंद’चा इंधन दरवाढीवर कोणताही परिणाम झालेला नाही.
गेल्या काही दिवसांच्या वाढत्या इंधन दरांमुळे सर्वसामान्यांचे प्रचंड प्रमाणात हाल होत आहेत. आंतरराष्ट्रीय बाजारात होणारे रुपयाचे अवमूल्यन आणि कच्च्या तेलाचे भाव प्रचंड प्रमाणात भडकल्याने, मोठ्या प्रमाणात इंधनावर लावला गेलेला अधिभारामुळे देशातील इंधनाच्या दरात मोठ्या प्रमाणात वाढ झाली आहे. देशातील महागाईमुळे सामान्यांना होणाऱ्या त्रासाकडे सरकार सोयीस्कर दुर्लक्ष करीत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
