मुंबई | पश्चिम रेल्वेने एसी लोकलच्या प्रवाशांना खुशखबर दिली आहे. २५ जूनपासून एसी लोकचे भाड्यात वाढ होणार होती. परंतु एसी लोकलच्या भाडेवाढीला पश्चिम रेल्वेने स्थगिती दिली आहे. यामुळे डिसेंबरपर्यंत एसी लोकलच्या भाडेत कोणत्याही प्रकारची वाढ करण्यात येणार नाही. देशातील पहिली एसी लोकल गेल्या वर्षी नाताळाच्या मुहूर्तावर बोरिवली ते चर्चगेट दरम्यान सुरू करण्यात आली होती. प्रवाशांच्या पसंतीनंतर एसी लोकलचा विस्तार विरारपर्यंत करण्यात आला.

एसी लोकलचे सुरुवातील जीएसटीसह तिकीटच्या किमतीत ६० रुपये असून कमाल भाडे २०५ रुपये असल्याचा निर्णय रेल्वे प्रशासनाने घेतला होता. एसी लोकल सुरु झाल्यानंतर त्यांचे तिकीट दर जास्त असल्यामुळे प्रवाशांनी लोकलकडे पाठ फिरवली होती. त्यामुळे एसी लोकल तोट्यात जात होती. एसी लोकल प्रवास करणाऱ्यांच्या संख्येत वाढ करण्यासाठी डिस्काउंड देण्यात आला. त्यानंतर एसी लोकलच्या प्रवाशांच्या संख्येत वाढ झाली होती. प्रवाशांच्या वाढत्या संख्या पाहता भाडेवाढ न करण्याचा निर्णय घेण्यात आला असल्याची माहिती पश्चिम रेल्वेचे मुख्य जनसंपर्क अधिकारी रविंद्र भाकर यांनी दिली आहे.