नवी दिल्ली | पाकिस्तानच्या कैदेतून हमीद निहाल अन्सारी (३३) तब्बल ६ वर्षानंतर भारतात परतला. हमीदला आज (१८ डिसेंबर) पाकिस्तानमधून सोडण्यात आल्यानंतर अटारी- वाघा सीमेवर पाकिस्तानी लष्कराने त्याला भारतीय लष्कराकडे सोपविले. हमीदने अमृतसरमधील वाघा सीमेवर आपल्या परिवाराची भेट घेतली. यावेळी वाघा सीमेवर वातावरण भावनिक झाले होते.
मुंबईच्या हमीदची ऑनलाईनच्या माध्यमातून एका पाकिस्तानी मुलीबरोबर मैत्री झाली होती. त्या मुलीला भेटण्यासाठी हमीदने अफगानिस्तानमधून पाकिस्तानमध्ये अवैध रित्या प्रवेश करण्याचा प्रयत्न केला होता. त्याप्रकरणी २०१२ला मध्ये पाकिस्तानी लष्कराने हमीदला अटक केले होते. त्यानंतर हमीदवर पाकिस्तानात हेरगिरी करण्याच्या बाबतीत दोषारोपपत्र दाखल करण्यात आले होते.
याप्रकरणी पाकिस्ताने हमीदला ६ वर्षाची शिक्षा झाली होती. त्या शिक्षेची मुदत १५ डिसेंबर रोजी संपली होती. त्यावेळी हमीदला सोडण्यासाठी कायदेशीर बाबींची पूर्तता करणारी कागदपत्रे पूर्ण नसल्याने सोडण्यात आले नव्हते. परंतु गुरूवारी(१३ डिसेंबर) पाकिस्तान सरकारला पेशावर उच्च न्यायालयाने हमीदचे भारताकडे प्रत्यार्पण करण्यासाठी एक महिन्याचा अवधी दिला होती. न्यायालयाच्या आदेशानुसार हमीदला भारतात पाठविण्यात अाले अाहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
