नवी दिल्ली | आंतरराष्ट्रीय बाजारात कच्च्या तेलाचे भाव वाढल्याने भारतीय रुपयाची घसरण सुरूच आहे. डॉलरच्या तुलनेत आज रुपया ७४.२० इतका झाला आहे. “किरकोळ घसरणीनंतर रुपया मजबूत झाला आहे. पेट्रोल आणि डिझेलच्या किंमतींमुळे तणाव घेण्याची गरज नाही. सध्याची स्थिती भारतीय रुपयासाठी फार चांगली आहे. ही आपली सुवर्णकाळाच्या दिशेने वाटचाल सुरू आहे,” असे केंद्रीय मंत्री पियुष गोयल म्हणाले आहेत. परंतु या संदर्भात केंद्रीय मंत्री पियुष गोयल यांनी केलेल्या वक्तव्यांमुळे टीका होत आहे.
भारतीय रिझर्व्ह बँकेने रेपो दरात बदल न करण्याचा निर्णय जाहीर केल्यानंतर भारतीय रुपयात मोठी घसरण झाली आहे. तसेच शेअर बाजाराचा सेन्सेक्सही ७९२.१७ अंशांनी कोसळला आहे. रुपयाची झालेली घसरण ही मध्यम स्वरुपाची आहे. इतर उभरत्या अर्थव्यवस्थेच्या तुलनेत रुपयाची घसरण ही कमीच आहे, असे आरबीआयचे गर्व्हनर ऊर्जित पटेल म्हणाले.
या वर्षात अमेरिकी डॉलरच्या तुलनेत भारतीय रुपयाची १३.५ टक्क्यांनी घसरण झालेली आहे. पहिल्याच वेळी डॉलरच्या तुलनेत रुपयाने गाठलेली सर्वात खालची पातळी आहे. कच्च्या तेलाच्या वाढत्या दरामुळे रुपया कमकुवत झाला आहे. भारतीय रुपयाच्या अवमूल्यनासोबतच सेन्सेक्स आज ७९२.१७ अंशांनी कोसळला आहे. निफ्टी २८३ अंशांनी घसरला आहे. त्यामुळे आता सेन्सेक्स ३४,३७७ अंकावर तर निफ्टी १०,३१६ आहे. भारत हा जगातील सर्वात मोठा खनिज तेलाची आयात करणारा देश आहे. भारतातील एकूण ८० टक्के खनिज तेल हे आयात केले जाते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
