बिहारच्या चारा घोटाळ्यातील माजी मुख्यमंत्री व राष्ट्रीय जनता दलाचे अध्यक्ष लालू प्रसाद यादव यांना सीबीआयच्या विशेष न्यायालयानं ७ वर्षांच्या तुरुंगवासाची शिक्षा ३० लाखांचा दंड सुनावली आहे. बिहारमधील लोकसभेची पोटनिवडणूक जिंकल्याचा जल्लोष करणाऱ्या यादव परिवाराला या निकालामुळं मोठा धक्का बसला आहे.
चारा घोटाळ्यातील तीन प्रकरणांमध्ये लालू प्रसाद यादव यांना याआधीच दोषी ठरविण्यात आले होते. त्यावर त्यांना शिक्षाही सुनावण्यात आली आहे. त्यांच्यावर चौथा आरोप आहे. झारखंडमधील दुमका येथील कोषागारातून बेकायदेशीररित्या ३ कोटी १३ लाख रुपये काढल्याचा होता. त्यावरील सुनावणी ५ मार्च रोजीच पूर्ण झाली होती. मात्र, लालूंच्या वतीनं वेळोवेळी करण्यात आलेल्या याचिकांमुळं त्यावरील निर्णय रखडला होता. अखेर १९ मार्च रोजी त्यावर सुनावणी होऊन लालूंना दोषी ठरवण्यात आले होते.
आज या प्रकरणी शिक्षेची सुनावणी झाली व त्यांना ७ वर्षांची शिक्षा सुनावण्यात आली. चारा घोटाळ्यात लालूंना आधीच साडेतेरा वर्षांची शिक्षा झाली असून ते सध्या रांची येथील बिरसा मुंडा तुरुंगात आहेत. दुमका कोषागार प्रकरणात माजी मुख्यमंत्री जगन्नाथ मिश्रा यांची निर्दोष सुटका झाली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
