नवी दिल्ली | अदानी समूहासोबत अत्याधुनिक रायफल्सच्या उत्पादनात भागीदारी करू इच्छिणाऱ्या रशियाच्या प्रस्तावाला मोदी सरकारने नकार दिला आहे. अदानी समूहासोबत एके प्रकारातील अत्याधुनिक रायफल्सची निर्मिती करण्यासाठी रशिया इच्छुक होते.
संरक्षण मंत्री निर्मला सीतारामन या लवकरच रशियाच्या दौऱ्यावर जाणार आहेत. यावेळी अत्याधुनिक रायफल उत्पादनासंबंधी चर्चा होण्याची शक्यता आहे. दोन देशांतील करारादरम्यान त्या देशातील खाजगी कंपनीचे नाव सुचविणे योग्य नाही, हा नियम दाखवत सरकारने या प्रस्तावास नकार दिला.
या आधी राफेल करारावरून पेटलेल्या राजकारणामुळे मोदी सरकारकडून रायफल उत्पादनाचा हा प्रस्ताव नाकारण्यात आल्याची शक्यता देखील वर्तविण्यात येत आहे. राफेलच्या किंमतीसोबतच, विमान बांधणीचा कोणताही संबंध आणि अनुभव नसलेल्या अनिल अंबानी यांच्या कंपनीला राफेलचे कंत्राट का दिले गेले, असे प्रश्न उपस्थित करून काँग्रेसने वारंवार भाजपवर टीका केली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
