मुंबई | आगामी निवडणुकीत भाजपच्या विरोधात विरोधी पक्ष एकत्र आले, तरी भाजपचा विजय निश्चित असल्याचा विश्वास भाजपचे राष्ट्रीय अध्यक्ष अमित शहा यांनी रविवारी झालेल्या बैठकीत व्यक्त केल्याची माहिती मिळाली आहे. भाजपचे अध्यक्ष अमित शहा यांचा रविवारी २२ जुलै रोजी मुंबई दौऱ्यावर होते.

या दौऱ्यात शहा यांनी कार्यकर्त्यांना मार्गदर्शन करताना आगामी लोकसभा निवडणूक जवळ आली असून पुन्हा एकदा भाजपची सत्ता यावी, यासाठी आतापासूनच कंबर कसून कामाला लागले पाहिजे. आणि निवडणुकीत कोण सोबत येणार की नाही यांचा विचार करू नका. लोकसभा निवडणुकीत महाराष्ट्रातून जास्तीत जास्त खासदार निवडून आले पाहिजे, याकडे लक्ष देणे गरजेचे असल्याचे शहा यांनी बैठीकीत कार्यकर्त्यांना सांगितले.

अमित शहा आणि मुख्यमंत्री देवेंद्र फडणवीस यांच्या उपस्थितीत आगामी लोकसभा निवडणुकीची पुर्व तयारी म्हणून महत्त्वपुर्ण बैठक मुंबई येथील वसंत स्मृती कार्यालयात आयोजित करण्यात आली होती. या बैठकीत प्रदेश अध्यक्ष रावसाहेब दानवे, केंद्रीय मंत्री नितीन गडकरी, महसूलमंत्री चंद्रकांत पाटील, शिक्षणमंत्री विनोद तावडे आणि ग्रामविकास मंत्री पंकजा मुंडे यांच्यासह महाराष्ट्रातील भाजपचे आदी नेते मंडळी यात हजेरी लावली होती.