मुंबई | आयसीआसीआय बँकेच्या प्रमुख चंदा कोचर यांना संचालक आणि सीओओ पदावरुन हटवण्यात आले आहे. चौकशीपर्यंत त्यांना पदावरुन दूर करत सक्तीच्या रजेवर पाठवण्यात आले आहे. आयसीआयसीआय बँकेच्या संचालक मंडळाने सोमवारी संदीप बक्षी यांची संचालक आणि मुख्य कार्यकारी अधिकारीपदी (COO) नियुक्ती केली. त्यामुळे आता आयसीआयसीआय प्रोडेंशिअलचे व्यवस्थापकीय संचालक आणि मुख्य कार्यकारी संचालक पदावर कार्यरत असलेले बक्षी आज 19 जूनपासून बँकेचे सीओओ पद सांभाळतील.

संदीप बक्षी यांना पाच वर्षांसाठी नियुक्त करण्यात आले आहे. संदीप बक्षी हे आजपर्यंत आयसीआयसीआय प्रुडेंशियल लाईफ इन्शुरन्सचे व्यवस्थापकीय संचालक आणि मुख्य कार्यकारी अधिकारी म्हणून काम सांभाळत होते परंतु आजपासून संदीप बक्षी आयसीआयसीआय बँकेच्या सीओओ पदाचा भार सांभाळतील.

संदीप बक्षी बँकेचे सर्व व्यवहार हाताळणार आहेत त्यामुळे बोर्डाचे सर्व कार्यकारी संचालक आणि व्यवस्थापकीय संचालक सर्वजण संदीप बक्षी यांनाच रिपोर्ट करतील. मात्र संदीप बक्षी बँकेच्या एमडी आणि सीईओ चंदा कोचर यांनाच रिपोर्ट करतील. पण चंदा कोचर जोपर्यंत रजेवर असतील तोपर्यंत संदीप बक्षी बँकेच्या बोर्डाच्या पदाधिका-यांना रिपोर्ट करतील. चंदा कोचर यांच्यावरील आरोपांची चौकशी सुप्रीम कोर्टाचे माजी न्यायमूर्ती बीएन श्रीकृष्ण यांच्यावर सोपवण्यात आली असुन न्यायमूर्ती श्रीकृष्ण यांच्या नेतृत्त्वात आयसीआयसीआय बोर्डाने व्हिडीओकॉन कर्ज प्रकरणाची स्वतंत्र चौकशी केली आहे.