कतार | जगातील सर्वात मोठा नैसर्गिक गॅसचा (एलएनजी) निर्यातदार देश असलेल्या कतारने लवकरच पेट्रोलियम निर्यातदार देशांच्या संघटनेतून अर्थात ‘ओपेक’मधून बाहेर पडणार आहे. जानेवारी २०१९ ला कतार ‘ओपेक’मधून बाहेर पडणार असल्याची घोषणा कतारचे ऊर्जामंत्री साद-अल- काबी केली आहे.
कतार ‘ओपेक’मध्ये १९६१ साली सहभागी झाला होता. तर ‘ओपेक’मध्ये जगातील सर्वांत मोठा तेल उत्पादक देश सौदी अरेबियाचा दबदबा आहे. सध्या कतार आणि सौदी अरेबियातील द्विपक्षीय संबंध बिघडले आहेत. याच दरम्यान, कतारने ‘ओपेक’मधून बाहेर पडण्याची घोषणा केली आहे. कतारमध्ये प्रतिदिनी ६ लाख बॅरेल तेल उत्पादन घेतले जाते. मात्र, हा देश जगातील सर्वात मोठा एलएनजी गॅस निर्यातदार देश आहे.
दरम्यान, नैसर्गिक गॅस उत्पादनावर अधिक भर देणार असल्याचे सांगत कतारने आंतरराष्ट्रीय स्तरावर दीर्घकालीन धोरण अवलंबिण्याचे ठरविले आहे. या पार्श्वभूमीवर त्यांनी ‘ओपेक’मधून बाहेर पडण्याचा निर्णय घेतला आहे. ओपेकचा सदस्य नसलेल्या रशियामधील तेल उत्पादन नोव्हेंबरमध्ये प्रतिदिनी ११.३७ दशलक्ष बॅरेल एवढे असून ओपेक सदस्य देश आणि रशिया जगातील एकूण तेल उत्पादनाच्या ४० टक्के उत्पादन घेतात.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
