प्रयागराज | नेहमी वादाच्या भोवऱ्यात अडकणाऱ्या स्वयंघोषित धर्मगुरू राधे माँ यांचे जुन्या आखाड्याने निलंबन रद्द केले असून त्यांना महामंडलेश्वरची पदवी परत करण्यात आली आहे. त्यामुळे प्रयागराजमधील कुंभमेळ्याआधी जुन्या आखाड्यात राधे माँ यांचे पुनरागमन झाले आहे. भक्तांच्या कडेवर बसून अश्लील नृत्य केल्याप्रकरणी राधे माँने लेखी माफी मागितली असून भविष्यात असे कृत्य पुन्हा करणार नाही, अशी हमी त्यांनी दिली आहे. त्यामुळे त्यांना जुन्या आखाड्यात पुन्हा प्रवेश मिळाला आहे.
येत्या २५ तारखेला प्रयागराजमध्ये होणाऱ्या कुंभमेळ्यात महामंडलेश्वर म्हणून राधे माँला जमीन आणि इतर सुविधाही देण्याचा निर्णय जुना आखाडाने घेतला आहे. गेल्याच वर्षी आखाडा परिषदेने त्यांचे नाव बोगस बाबांच्या यादीत टाकले होते. त्यामुळे जुन्या आखाड्याचा हा निर्णय आश्चर्यकारक असल्याचे बोलले जात आहे. राधे माँचे निलंबन रद्द आणि पदवी परत करण्याचा निर्णय काही दिवसांपूर्वीच जुन्या आखाड्याच्या बैठकीत घेतला होता. त्याची औपचारिक घोषणा रविवारी प्रयागराजमध्ये आखाड्याचे संरक्षक महंत हरिगिरी यांनी केली. ‘राधे माँविरोधात अनेक पथकांनी तपास केला. पण कुणीही तिच्याविरोधात गंभीर आरोप केले नाहीत. आता तिच्याविरोधात कोणताही फौजदारी खटलाही नाही,’ असेही हरिगिरी यांनी सांगितले.
Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
