नवी दिल्ली | “काँग्रेसकडून कधीही राहुल गांधी यांना पंतप्रधानपदी उमेदवार करायचे आहे असे सांगण्यात आलेले नाही. राहुल गांधी यांच्या पंतप्रधानपदाविषयी चर्चा सुरू झाल्यानंतर अखिल भारतीय काँग्रेस समितीने अशा प्रकारची चर्चा न करण्याचे देखील आवाहन केले होते.” असे काँग्रेसचे ज्येष्ठ नेते आणि माजी अर्थमंत्री पी. चिदंबरम यांनी म्हटले आहे. ते एका मुलाखतीमध्ये बोलत होते. यावेळी पी. चिदंबरम यांनी आगामी निवडणुकांमध्ये काँग्रेसची बाजू स्पष्ट केली आहे.
केवळ राहुल गांधीच नव्हे तर इतर कोणाच्याही नावाची घोषणा केली जाणार नाही, असेही चिदंमबरम यांनी स्पष्ट केले आहे. देशातील सर्वच राजकीय पक्षांनी आगामी सार्वत्रिक निवडणुकांची जोरदार तयारी सुरु केली आहे. आगामी लोकसभा आणि विधानसभा निवडणुकांना आता अवघा काहीच महिन्यांचा अवधी राहिला आहे. आगामी सार्वत्रिक निवडणुकांमध्ये भाजपला पराभूत करण्यासाठी विशेषतः काँग्रेसकडून विविध पातळ्यांवर प्रयत्न केले जात आहेत. प्रादेशिक पक्षांना एकत्र घेऊन महाआघाडीच्या माध्यमातून काँग्रेस भाजपला शह देण्याच्या प्रयत्नात आहेत.
गेल्या दोन दशकांमध्ये राष्ट्रीय पक्षांच्या तुलनेत प्रादेशिक पक्ष मजबूत झाल्याचे पी चिदंबरम यांनी मान्य केले आहे. “आम्हाला भाजपला पराभूत करायचे आहे. सुधारणावादी, व्यक्ती स्वातंत्र्याचा सन्मान करणारे, कर दहशतीला थारा न देणार , महिला आणि मुलाबाळांची सुरक्षा ठेवणारे, शेतकऱ्यांच्या आर्थिक स्थितीमध्ये सुधारणा करणारे सरकार आम्हाला हवे आहे.” असे यावेळी पी.चिदंबरम म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
