नवी दिल्ली | मोदी सरकार विरोधात आज संसदेत अविश्वास ठरावावर सर्व पक्षांचे सदस्य आपली बाजू मांडणार आहेत. प्रत्येक पक्षाला आपला आपली बाजू मांडण्यासाठी ठराविक वेळ देण्यात आला आहे. त्यामध्ये कॉंग्रेसला ३८ मिनीटे इतका वेळ देण्यात आला होता. कॉंग्रेस अध्यक्ष राहुल गांधी यांनी यावेळी संसदेत मोदी सरकारच्या कामाचा पाढा वाचला. मोदींसह अनेकांवर राहुल यांनी सडकून टिका केली.
मोदी गुजरात मध्ये जेव्हा चीनच्या राष्ट्रपतींसोबत झोके घेत होते, त्यावेळी सीमेवर चीनचे सैन्य घुसले होते. पंतप्रधान होण्यापुर्वी मी पंतप्रधान नाही तर जनतेचा चौकीदार आहे असे म्हणणारे मोदी देशाचे चौकीदार नसून भागीदार आहेत असे म्हणत यावेळी बोलताना राहुल यांनी मोदींवर निशाना साधला.
त्याचबरोबर यावेळी बोलताना राहुल गांधी यांनी आपल्या जागेवरुन उठून मोदींची गळाभेट घेतल्याचे पहायला मिळाले. भाजपासाठी मी पप्पू असेन पण माझ्या मनात मोदी किंवा भाजपा विषयी कोणत्याही प्रकारचा राग नसल्याचे राहुल गांधी यांनी स्पष्ट केले. तसेच तुमच्या मनात माझ्या विषयी राग आहे. तुम्ही मला पप्पू म्हणू शकता, शिव्या देऊ शकता. मात्र माझ्या मनात तुमच्याबद्दल द्वेष नाही असेही यावेळी बोलताना राहुल गांधी म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
