– एनडीएचे राष्ट्रपती पदाचे उमेदवार रामनाथ कोविंद २३ जूनला अर्ज दाखल करण्याची शक्यता
नवी दिल्ली – भाजपप्रणित एनडीएचे राष्ट्रपतीपदाचे उमेदवार रामनाथ कोविंद हे येत्या २३ जूनला आपला उमेदवारी अर्ज दाखल करण्याची शक्यता आहे. २३ जूनला सकाळी अकरा वाजता ते लोकसभा सचिवांच्या दालनात अर्ज दाखल करण्याची शक्यता असल्याची माहिती सूत्रांनी दिलीय.
दरम्यान, एनडीएच्या राष्ट्रपतीपदाचे उमेदवार रामनाथ कोविंद यांनी बिहारच्या राज्यपालपदाचा राजीनामा दिलाय. विद्यमान राष्ट्रपती प्रणव मुखर्जी यांनी कोविंद यांचा राजीनामा स्विकारला आहे, अशी माहिती राष्ट्रपती भवनकडून प्रसिद्धीपत्रकादवारे देण्यात आली आहे. पश्चिम बंगालचे राज्यपाल केशरीनाथ त्रिपाठी यांच्याकडे बिहारच्या राज्यपालपदाचा अतिरिक्त पदभार सोपवण्यात आलाय.
काल भाजपनं एनडीएचे राष्ट्रपती पदाचे उमेदवार म्हणून ७१ वर्षीय रामनाथ कोविंद यांच्या नावाची घोषणा केली होती. येत्या १७ जुलैला राष्ट्रपती पदाची निवडणुक होतेय. विद्यमान राष्ट्रपती मुखर्जी यांचा पाच वर्षांचा कालावधी येत्या २४ जुलैला संपतोय.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
