राफेल डीलसाठी मोदी सरकारकडूनच रिलायन्सची निवड | फ्रान्स्वा ओलांद

नवी दिल्ली | राफेल डील खरेदी प्रकरणावरून निर्माण झालेले वाद अद्याप शांत होण्याची चिन्हे दिसत आहे. राफेल डीलमध्ये दिवसेंदिवस नवीन आणि धक्कादायक माहिती समोर येत आहे. फ्रान्सचे माजी अध्यक्ष फ्रान्स्वा ओलांद यांच्या विधानामुळे फ्रान्समध्येचे नाही तर भारतात देखील खळबळ माजल्यानंतर राफेल करारासाठी भारत सरकारने अनिल अंबानी यांच्या रिलायन्स डिफेन्स नावाचा प्रस्ताव पाठवला होता, असा नवीन खुलासा ओलांद यांच्याकडून करण्यात आला आहे.

राफेल डील ही दोन खासगी कंपन्यातील करार असल्यामुळे यात सरकारची कुठलिही भूमिका नसल्याचे केंद्र सरकारने म्हटले होते. परंतु ओलांद यांच्या दाव्यानंतर सरकार अडचणीत येण्याची शक्यता आहे. त्यामुळे संरक्षण मंत्रालयाने मात्र ओलांद यांच्या दाव्यातील तथ्य तपासून पाहत असल्याचे म्हटले आहे.

The report referring to fmr French president Mr. Hollande's statement that GOI insisted upon a particular firm as offset partner for the Dassault Aviation in Rafale is being verified.
It is reiterated that neither GoI nor French Govt had any say in the commercial decision.

— A. Bharat Bhushan Babu (@SpokespersonMoD) September 21, 2018

फ्रान्सवा ओलांद यांनी फ्रान्समधील एका वृत्तपत्राला दिलेल्या मुलाखतीत त्यांनी हा गौप्यस्फोट केला आहे. भारत सरकारकडून रिलायन्सचे नाव देण्यात आल्यानंतर त्याची निवड करण्यात “द सॉल्ट एव्हिएशन” ची कोणतीही भूमिका नव्हती, असेही त्यांनी या लेखात म्हटले आहे. यानंतर मोदींनी अनिल अंबानींच्या फायद्यासाठीच राफेल करार केला, अशी टीका यानंतर पुन्हा एकदा काँग्रेस अध्यक्ष राहुल गांधींनी केली. राहुल गांधींनी ओलांद यांचे आभार मानत मोदींवर निशाणा साधला. ‘दिवाळखोर झालेल्या अनिल अंबानींसाठी मोदींनी कोट्यवधी रुपयांचा करार केला. त्यांनी देशाचा विश्वासघात केला.

The PM personally negotiated & changed the #Rafale deal behind closed doors. Thanks to François Hollande, we now know he personally delivered a deal worth billions of dollars to a bankrupt Anil Ambani.

The PM has betrayed India. He has dishonoured the blood of our soldiers.

— Rahul Gandhi (@RahulGandhi) September 21, 2018