नवी दिल्ली | भारतीय वायू दलाच्या एअर स्ट्राईकनंतर देशाचा कल नेमका कोणत्या बाजूने आहे ? पंतप्रधान मोदींच्या लोकप्रियतेचा आलेख कसा आहे ? हे जाणून घेण्यासाठी एबीपी न्यूज-सी वोटर्सने एक सर्व्हे केला होता. या सर्व्हेदरम्यान ५० हजार ७४० लोकांशी संवाद साधण्यात आला आहे.
एबीपी न्यूज-सी वोटर्सच्या सर्व्हेनुसार, १४ फेब्रुवारी २०१९ रोजी झालेल्या पुलवामा दहशतवादी हल्ल्यावेळी पंतप्रधान मोदींची लोकप्रियता ५० %झाली होती. भारतीय वायू दलाकडून २६ फेब्रुवारी रोजी करण्यात आलेल्या एअर स्ट्राईकनंतर पंतप्रधान मोदींची लोकप्रियता ५ टक्क्यांनी वाढून ५५ % इतकी झाली आहे. तर ७ मार्चला मोदींची लोकप्रियता ६२% झाल्याची नोंद करण्यात आली आहे.
एबीपी न्यूज-सी वोटर्सच्या सर्व्हेनुसार, २०१५ साली पंतप्रधान मोदींची लोकप्रियता ६० % होती. २०१६ साली याचे प्रमाण वाढून ६२ % इतके झाले तर २०१७ मध्ये ते प्रमाण ६६% इतके झाले. या सर्व्हेनुसार, जानेवारी २०१८ मध्ये पंतप्रधान मोदींची लोकप्रियता कमी होऊन ६३ % इतकी झाली, त्यानंतर ऑक्टोबर २०१८ मध्ये तर ती ५४ % वर घसरली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
