श्रीहरीकोट्टा | इस्रोच्या G SAT-29 या संचार उपग्रहाचे यशस्वी प्रक्षेपण करण्यात आले आहे. श्रीहरीकोट्टाहून सतीश धवन अंतराळ केंद्रावरून या उपग्रहाचे प्रक्षेपण करण्यात आले आहे. इस्रोच्या मते, हवामान स्वच्छ असल्याने या उपग्रहाचे प्रक्षेपणात कोणतीही समस्या उद्भवली नाही.
Andhra Pradesh: Indian Space Research Organisation (ISRO) launches GSLV-MK-III D2 carrying GSAT-29 satellite from Satish Dhawan Space Centre in Sriharikota pic.twitter.com/9QPIzshi7R
— ANI (@ANI) November 14, 2018
“G SAT-29 या उपग्रहावर ‘हाय रिझोल्युशन कॅमेरा’ बसविण्यात आला आहे. यामुळे हिंदी महासागरातील भारताच्या शत्रूंच्या हालचाली आणि त्यांच्या जहाजावर लक्ष ठेवण्यात येणार आहे. तसेच या संचार उपग्रहामुळे जम्मू आणि काश्मीर, भारताच्या उत्तर-पूर्व भागात इंटरनेटची सोय उपलब्ध करून देण्यास मदत होणार आहे”, अशी माहिती इस्रोचे अध्यक्ष के.सिवन यांनी दिली आहे.
आपल्या दुसऱ्या उड्डाणात जीएसएलव्ही-एमके ३ हे रॉकेट G SAT- 29 भूस्थिर कक्षेत स्थापित करणार आहे. या उड्डाणाला गाजा चक्रीवादळाचा फटका बसण्याची शक्यता होती. त्यामुळे या उपग्रहाचे प्रक्षेपण हे हवामानावर अवलंबून असून हवामान अनुकूल नसल्यास प्रक्षेपण टाळण्यात देखील येऊ शकते असे सांगण्यात आले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
