श्रीनगर | भारताने दोन वर्षापुर्वी पाकिस्तान व्याप्त काश्मीरमध्ये घुसून दहशतवाद्यांचे तळ उद्ध्वस्त केलेल्या सर्जिकल स्ट्राईकचे हिरो लान्स नायक संदीप सिंह हे सोमवारी एका चकमकी दरम्यान शहीद झाले. सिंह हे जम्मू-काश्मीरमधील तंगधार परिसरातील दहशतवाद्यांची घुसखोरी रोखण्यासाठी तैनात केलेल्या तुकडीत होते. या घुसखोरांसोबत झालेल्या चकमकीत सोमवारी संदीप सिंह यांना वीरमरण आले.
Srinagar: Wreath-laying ceremony of Indian Army's Lance Naik Sandeep Singh, who lost his life in action during an anti-infiltration operation in Jammu & Kashmir's Tangdhar sector yesterday. pic.twitter.com/LbkRr63sqC
— ANI (@ANI) September 25, 2018
संदीप सिंह यांनी ४ पॅरा कमांडो पथकांच्या मदतीने तंगधार सेक्टरमधील गगाधारी भागात दहशतवाद्यांची शोध मोहीम सुरू केली होती. यावेळी काही संशयास्पद हालचाली दिसून आल्यानंतर त्यांच्या टीमने पुढे जाऊन दहशतवाद्यांना शोधण्याचा प्रयत्न केला. या दहशतवाद्यांकडून झालेल्या गोळीबाराला संदीप सिंह यांच्या पथकाने प्रत्यूत्तर देताना तीन दहशतवादी ठार केले. परंतु या गोळीबारीत सिंह यांना गोळ्या लागल्याने ते जखमी झाले. परंतु जखमी अवस्थेत साथीदारांना वाचविण्यासाठी गोळ्या झाडत राहिले. यावेळी दहशतवाद्यांनी झाडलेल्या एक गोळीत संदीप सिंह शहीद झाले. नायक संदीप सिंह याच्या पाश्चात पत्नी आणि ५ वर्षाचा मुलगा आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
