नवी दिल्ली | अंशदायी पेन्शन योजना रद्द करून १९८२ ची जुनी पेन्शन योजना लागू करा, कंत्राटीकरण व खाजगीकरण रद्द करा, प्रत्येक कंत्राटी कामगार कर्मचाऱ्यांना सेवेत नियमित करून किमान वेतन २६०००/- रुपये देण्याचे धोरण लागू करा, सर्व शाळा-कॉलेजांना १०० टक्के अनुदान द्या या व इतर महत्वाच्या मागण्यासाठी दिल्ली येथे महाराष्ट्र राज्य सरकारी कर्मचारी मध्यवर्ती संघटनेसोबत शिक्षक भारतीने पालिका बाजार संसद मार्ग ते जंतरमंतर मैदानापर्यंत जाणाऱ्या भव्य मोर्च्यात सहभाग घेतला.
शिक्षक भारती या शासन मान्यताप्राप्त शिक्षक संघटनेच्या वतीने कार्याध्यक्ष सुभाष मोरे आणि महाराष्ट्र राज्य प्राथमिक शिक्षक भारतीचे अध्यक्ष नवनाथ गेंड यांच्या नेतृत्वाखाली प्रमुख कार्यवाह जालिंदर सरोदे, कार्यवाह प्रकाश शेळके, सलीम शेख, कल्पना शेंडे, महिला अध्यक्षा संगिता पाटील यांच्यासह महाराष्ट्राभरातून शिक्षक, प्राध्यापक मोठ्या संख्येने या मोर्च्यात सहभागी झाले होते.
अखिल भारतीय राज्य सरकारी कर्मचारी महासंघ, सेंट्रल ट्रेड युनियन, केंद्रीय कर्मचारी संघटना व देशपातळीवरील सर्व संघटनांनी या मोर्च्याच्या आयोजनात पुढाकार घेतला होता. विविध प्रलंबित मागण्यांसाठी देशभरात केंद्र व राज्य सरकारविरुद्ध कोट्यवधी कर्मचाऱ्यांच्या मनात प्रचंड असंतोष खदखदत आहे. या मोर्च्यात देशभरातून लाखो मजूर, शेतकरी सहभागी झाले होते. जुनी पेन्शन योजना लागू करा या मागणीने संपूर्ण परिसर दणाणून गेला होता.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
