नवी दिल्ली | काबुल येथील सरकारी कार्यालयावर दहशतवादी हल्ला करण्यात आला आहे. या दहशतवादी हल्ल्यात ४३ नागरिक मृत्युमुखी पडले आहेत. तर जवळपास ३५० लोकांची सुखरूप सुटका करण्यात आल्याची माहिती मिळत आहे. अद्याप या हल्ल्याची जबाबदारी कोणत्याही दहशतवादी संघटनेकडून घेण्यात आलेली नाही. या हल्ल्याची माहिती मिळताच अफगाण सुरक्षा दलाच्या जवान घटनास्थळी दाखल झाले.
अफगाण सुरक्षा दलाचे जवान आणि जवानांमध्ये झालेल्या चकमकीत अफगाण सुरक्षा दलांच्या जवानांना ४ दहशतवाद्यांचा खात्मा करण्यास यश आले आहे. दहशतवाद्यांकडून काबुल येथील या सरकारी कार्यालयाजवळ कारबॉम्बचा स्फोट घडविण्यात आला. या स्फोटानंतर भीतीने इतरत्र पळणाऱ्या लोकांवर दहशतवाद्यांनी बेछूट गोळीबार करण्यास सुरुवात केली. हा दहशतवादी हल्ला या वर्षी अफगाणिस्तानमध्ये झालेला सर्वात भीषण हल्ला असल्याचे म्हटले जात आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
