मुंबई | मुंबईत दहीहंडी सोहळ्यात उपस्थितांशी बोलताना भाजप आमदार राम कदम यांनी महिलांना उद्देशून चुकीचे वक्तव्य केल्यामुळे सध्या राजकीय वर्तुळात ते चर्चेचा विषय ठरले आहेत. बोलण्याच्या ओघात राम कदमांचा स्वतःच्या जीभेवरील ताबा सुटलेला पहायला मिळाला. कोणतीही मुलगी तुम्हाला आवडली आणि ती नाही म्हणाली तर तुम्ही मला सांगा मी तिला पळवून आणणार आणि तुम्हाला देणार, असे बेताल वक्तव्य राम कदम यांनी केले आहे.

घाटकोपरच्या दहीहंडीत राम कदम उपस्थितांना आपला मोबाईल नंबर सांगत होते. गरज लागली तर कधीही फोन करा असे ते सांगत होते. यावेळी एक उदाहरण देताना राम कदम यांचा आपल्या जीभेवरचा ताबा सुटलेला पहायला मिळाले.

राम कदम यांचे बेताल वक्तव्य राष्ट्रवादी काँग्रेसचे आमदार जितेंद्र आव्हाड यांनी व्हीडिओ ट्विट केले आहे. राज्यातील महिला कशा सुरक्षित राहणार?, असा सवाल आव्हाड यांनी उपस्थित केला आहे.

बेताल वक्तव्य करणारा भाजपा नेत्यांमध्ये आणखी ऐकाची भर.. रक्षाबंधन , दहिकाला उत्सव या पवित्र सणा दिवशी आमदाराने तोडले आपल्या अकलेचे तारे !
कशा राहतील यांचा राज्यात महिला सुरक्षित? pic.twitter.com/Z5JAx5ewrN

— Dr.Jitendra Awhad (@Awhadspeaks) September 4, 2018