नवी दिल्ली | फेसबुक डेटा लीक प्रकरणी फेसबुकचा संस्थापक-अध्यक्ष मार्क झुकरबर्गच्या अडचणी कमी होण्याचे नाव घेत नाही आहेत. आता मार्क झुकरबर्गला अध्यक्षपदावरून हटविण्याची मागणी कंपनीच्या गुंतवणूकदारांनी केली आहे. फेसबुक डेटाचोरी प्रकरण, त्यावरून झालेले आरोप आणि त्यानंतर निर्माण झालेल्या वादानंतर कंपनीतील चार बड्या अधिकाऱ्यांनी हा प्रस्ताव ठेवला आहे.
इलियोनिस, रोड आयलँड, पेन्सिवेनिया आणि स्टेट ट्रेझरर्स अँड न्यूयॉर्क सिटी कंप्ट्रोलर स्कॉट स्ट्रिंगर यांनी हा प्रस्ताव ठेवला आहे. याआधी २०१७ मध्ये अशा प्रकारचा प्रस्ताव फेटाळण्यात आला होता. या प्रस्तावाला मोठमोठ्या अॅसेट मॅनेजरचे समर्थन मिळेल, असा या गुंतवणूकदारांचा अंदाज आहे. असे असले तरीही सध्या फेसबुकचे सर्वाधिक शेअर्स झुकरबर्ग याच्याकडेच आहेत. एप्रिल महिन्यात कंपनीकडून देण्यात आलेल्या माहितीनुसार ही भागीदारी ६० टक्के इतकी आहे. त्यामुळे हा प्रस्ताव स्वीकारला जाणार की नाही हे पाहणे महत्त्वाचे ठरणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
