नवी दिल्ली(वृत्तसंस्था): केंद्र सरकारच्या आदेशाने गुरूवारी अचानक दोनशे रुपयांची नोट चलनात येणार असल्याचे वृत्त सर्वत्र धडकले. सोबत नोटेची माहिती देणारी व्हिडीओ क्लिप देखील मोठ्या प्रमाणात व्हायरल करण्यात आली. खरं तर कालच अर्थमंत्री अरूण जेठली यांनी दोनशे रुपयांची नोट लवकरच चलनात येईल, असे संकेत दिले होते. परंतु ही नोट सप्टेंबर महिन्यात चलनात येणार असल्याचे त्यांनी स्पष्ट केले होते. परंतु आज अचानक काय घडले की ज्यामुळे ही नोट व्हायरल करण्यात आली. खरे तर यामागे मोठं राजकारण दडलेले आहे. माध्यमांचे लक्ष विचलित करण्याचा हा मोठा डाव असल्याचे दिसून येते. याचे कारण म्हणजे गुरुवारी सर्वोच्च न्यायालयाने नागरिकांच्या मूलभूत अधिकारीसंबंधी अतिशय महत्वाचा निर्णय दिला आहे. या निर्णयामुळे केंद्र सरकार तोंडघशी पडले आहे. आधारकार्ड, पॅनकार्ड आदीची सर्वत्र सक्ती करण्याचा केंद्र सरकारने सपाटा लावला होता. त्याला सर्वोच्च न्यायालयाच्या निर्णयाने मोठी चपराक बसली आहे. आता आधार कार्ड सक्तीदेखील करता येणार नाही, त्यामुळे केंद्राच्या अनेक योजना अपयशी होणार आहे, या गोष्टीकडे सर्वांचे लक्ष जाईल, त्याऐवजी देशातील जनतेला वेगळेकाहीतरी देण्यासाठी दोनशे रुपयांच्या नोटेचे विषय व्हायरल करण्यात आला आहे. याच विषयाला काही भक्तांनी भावनिकतेची जोड देण्याच्या प्रयत्न चालवला आहे. तो म्हणजे गणपतीसोबत दोनशेची नोट चलनात येणार आहे, खरे तर गणेश चतुर्थी आणि नोटेचा अर्थाअर्थी काहीही संबध नाही. तरीही भोळी-भाबडी जनता, अशा गोष्टींचा जोरकसपणे स्वीकार करत असल्याचे दिसत