नवी दिल्ली | मोदी सरकारच्या दुसऱ्या टर्ममधील मंत्रिमंडळाचा विस्तार गेल्याच आठवड्यात झाला. यावेळी मोदी सरकारमध्ये सामील झालेले आणि देशाच्या आरोग्यमंत्री पदाचा पदभार स्विकारलेले मनसुख मांडवीय यांनी नुकतंच टीकाकारांना खडे बोल सुनावले आहेत. लसीकरणावरुन टीका करणाऱ्यांना त्यांना सडेतोड उत्तर दिलं आहे. मांडवीय यांनी आपल्या ट्विटमधून आपली मतं मांडली आहेत. आपल्या या ट्विटमध्ये मांडवीय म्हणतात, भ्रम आणि चिंतेचं वातावरण पसरवणारी वक्तव्य करणाऱ्या नेत्यांना आत्मपरिक्षण करण्याची गरज आहे. हे नेते शासनप्रक्रिया आणि त्यांच्याशी संबंधित गोष्टींपासून इतके दूर आहेत की त्यांना लसीकरणाबद्दल जी माहिती दिली जाते, त्याबद्दलही काही कल्पना नाही.
वैक्सीन की उपलब्धता के संदर्भ में मुझे विभिन्न राज्य सरकारों और नेताओं के बयान एवं पत्रों से जानकारी मिली है। तथ्यों के वास्तविक विश्लेषण से इस स्थिति को बेहतर ढंग से समझा जा सकता है। निरर्थक बयान सिर्फ लोगों में घबराहट पैदा करने के लिए किए जा रहे हैं। (1/6)
— Dr Mansukh Mandaviya (@mansukhmandviya) July 14, 2021
ते पुढे म्हणाले की, सरकारी आणि खासगी रुग्णालयांच्या माध्यमातून लसीकरण व्हावं यासाठी जून महिन्यात ११.४६ कोटी डोस राज्यांना उपलब्ध करुन देण्यात आले तर जुलैमध्ये डोसची संख्या वाढवून १३.५० कोटी करण्यात आली. जुलैमध्ये राज्यांना किती डोस दिले जातील याची माहिती केंद्र सरकारने राज्यांना १९ जूनलाच दिली होती. त्यानंतर २७ जून आणि १३ जुलैला केंद्राने राज्यांना आधीच बरीचशी लसींबाबतची माहिती दिली होती. त्यामुळे राज्यांना हे अगदी व्यवस्थित माहित आहे की त्यांना कधी किती डोस मिळणार आहेत.
कोणालाही काही अडचण येऊ नये यासाठी ही योजना आखण्यात आली आहे. आता जर केंद्र सरकारने आधीच राज्यांना लसीच्या उपलब्धतेबद्दलची माहिती दिली असेल आणि तरीही अयोग्य व्यवस्थापन आणि लस घेण्यासाठीच्या लांब रांगा अशा समस्या येत असतील तर त्याचं कारण स्पष्ट आहे. लसींच्या उपलब्धतेबाबत मला अनेक राज्यांकडून आणि त्यांच्या नेत्यांकडून पत्राद्वारे किंवा चर्चेतून माहिती मिळालेली आहे. त्या आधारावर सगळ्या परिस्थितीचा अभ्यास केला जात आहे. मात्र नेत्यांची अशी निरर्थक वक्तव्य जनतेमध्ये भीतीचं वातावरण निर्माण करण्यासाठी केली जात आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
