सलमानला जामीन मिळणार का?

जोधपूर | काळवीट शिकार प्रकरणी तुरुंगात गेलेल्या सलमान खानच्या जामीन अर्जावर शुक्रवारी सकाळी सुनावणी होणार आहे. या प्रकरणात सलमानला जोधपूर सत्र न्यायालयाने गुरुवारी ५ वर्षाची शिक्षा आणि १० हजारांचा दंडाची शिक्षा सुनावली आहे. सलमानला शिक्षा सुनावल्यानंतर त्यांच्या वकीलाने सत्र न्यायालयात जामीनासाठी धाव घेतली.

शिक्षा सुनावल्यानंतर पोलिसांनी सलमानला ताब्यात घेत जोधपूरच्या मध्यवर्ती कारागृहात रवानगी करण्यात आली आहे. सलमाने संपूर्ण रात्र या कारागृहात काढली असून त्यांच्या जामीन मिळतो की, तुरुंगातला त्यांचा मुक्काम वाढतो याकडे सर्वांचे लक्ष लागले आहे. सलमानला तुरुंगात रवानगी केल्यानंतर त्याला कैदी नंबर १०६ देण्यात आला आहे. या प्रकरणातील सहआरोपी सोनाली बेंद्रे, तब्बू, नीलम आणि सैफ अली खान यांना न्यायालायने निर्दोष मुक्तता केली आहे.