नवी दिल्ली | कर्नाटक विधानसभा निवडणुकीच्या तोंडावर काँग्रेसच्या अडचणी वाढण्याची शक्यता आहे. काँग्रेसचे निवडणूक चिन्ह असलेल्या ‘पंजा’च्या वैधतेविरोधात याचिका दाखल करण्यात आली आहे. या १८ एप्रिल रोजी सुनावणी होणार आहे. निवडणूक आयोग या याचिकेवर सुनावणी घेणार आहे. भाजप नेते अश्विनी उपाध्याय यांनी काँग्रेसचे निवडणूक चिन्ह अवैध ठरवावे यासाठी निवडणूक आयोगाकडे याचिका केली होती.
निवडणूकीच्या आचारसंहितेनुसार शरीराचा कोणताही अवयव निवडणूक चिन्ह असू शकत नाही. यासोबतच निवडणूक चिन्ह घेऊन कोणीही मतदान केंद्रावर जाऊ शकत नाही असाही नियम आहे. मात्र काँग्रेसचे निवडणूक चिन्ह हाताचा पंजा असल्याने या दोन्ही नियमांचे उल्लंघन होते असे सर्वोच्च न्यायालयात वकिली करत असलेल्या उपाध्याय यांनी सांगितले. कर्नाटकमधील सत्ता टिकवण्यासाठी काँग्रेसची धडपड सुरू असताना काँग्रेससमोर भाजपचे कडवे आव्हान आहे. आता मात्र काँग्रेसचा ‘पंजा’च संकटात सापडल्याने पक्षासमोरील अडचणी नक्कीच वाढल्या आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
