मुंबई । विक्रोळी पूर्व येथील कन्नमवारनगर परिसरात १९७९ साली शिवाई मित्र मंडळाची स्थापना झाली. याच शिवाई मित्र मंडळाची देवी ‘विक्रोळीची आई शिवाई देवी’ म्हणून अत्यंत प्रसिद्ध आहे. शिवाई देवीची ज्या चौकात स्थापना केली जाते तो चौक ‘शिवाई चौक’ याच नावाने ओळखला जातो. यंदा या मंडळाने आपल्या ३९ व्या वर्षात पदार्पण केले आहे.
खरंतर १९७९ सालात जेव्हा ‘शिवाई मित्र मंडळा’ची स्थापना केली गेली तेव्हा त्या काळच्या काही लोकांनी मिळून येथे देवीचा फोटो लावून नवरात्रोत्सवाला सुरुवात केली होती. पुढच्याच वर्षी म्हणजे १९८० सालापासून २ फुटाची देवीची मूर्तीची स्थापना करून हा नवरात्रोत्सव पार पडला. मात्र त्यानंतरच्या वर्षांपासून शिवाई देवीची ९ फुटांची अत्यंत सुबक, सुंदर अशी मूर्ती मंडपात विराजमान होऊ लागली.
शिवाई देवीची ९ फुटांची ही अत्यंत प्रसन्न आणि सुंदर, देखणे अशी मूर्ती वर्षानुवर्षे ‘मूर्तिकार खातू’ यांच्याच कारखान्यात घडविली जात आहे. ‘शिवाई देवी’च्या मंडपात होणारा गरबा हा अत्यंत प्रसिद्ध आहे. शिवाई मित्र मंडळाकडून दरवर्षी सर्व वयोगटातील व्यक्तींसाठी काही हलक्याफुलक्या स्पर्धांचे आयोजन केले जाते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
