मुंबई | काँग्रेसकडून उत्तर मुंबई लोकसभा मतदारसंघातून अभिनेत्री उर्मिला मातोंडकर यांना उमेदवारी देण्यात आली आहे. त्यामुळे आता आगामी निवडणुकांमध्ये उर्मिला मातोंडकर आणि भाजपचे विद्यमान खासदार गोपाळ शेट्टी आमने-सामने येणार आहेत. उर्मिला मातोंडकर यांनी बुधवारी (२७ मार्च) काँग्रेसचे अध्यक्ष राहुल गांधी यांच्या उपस्थितीत काँग्रेसमध्ये प्रवेश केला होता. २०१४ साली याच मतदारसंघातून माजी मुंबई अध्यक्ष संजय निरुपम यांचा तब्बल ४ लाख मतांनी पराभव झाला होता.
Urmila Matondkar to contest from Mumbai North parliamentary constituency on a Congress ticket. #LokSabhaElections2019 pic.twitter.com/LrzBiAa5QF
— ANI (@ANI) March 29, 2019
गेल्या निवडणुकांमध्ये संजय निरुपम या मतदारसंघातून ४ लाख मतांनी हारले होते. संजय निरुपम यांनी सोडलेल्या उत्तर मुंबई मतदारसंघातून काँग्रेसचा अन्य कोणताही नेता उभे राहण्यास तयार नव्हता. याच कारणामुळे यंदाच्या निवडणुकांमध्ये काँग्रेसकडून अभिनेत्री उर्मिला मातोंडकर यांना या मतदारसंघातून उमेदवारी देण्यात आली आहे. या मतदारसंघासाठी यापूर्वी मराठी अभिनेत्री आसावरी जोशी आणि शिल्पा शिंदे यांच्या नावाची देखील चर्चा होत होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
