मुंबई | अहमदनगर महानगरपालिकेच्या महापौर निवडणुकीत वादग्रस्त नगरसेवक श्रीपाद छिंदम याच्या मतावरून वाद निर्माण झाला आहे. हा इतका विकोपाला गेला की, छिंदमचे हे मत नाकारत शिवसैनिकांनी छिंदमला सभागृहात मारहाण करून सभात्याग केला. यानंतर शिवसेनेचे उमेदवार बोराटे यांनी विनंती केल्यानुसारच आपण मतदान केल्याचा दावा छिंदमने केला आहे. यामुळे अहमदनगरमधील राजकारण चांगलेच तापले आहे.
शिवसेनेकडून फोन आल्यानंतर मी मतदान केल्याचा दावा करत श्रीपाद छिंदमने माध्यमांसमोर एक ऑडिओ क्लीप सादर केली. तर ही क्लीप बनावट असल्याचे बोराटे म्हणाले आहे. शिवसेनेला बदनाम करण्यासाठीच भाजप आणि राष्ट्रवादीने छिंदमला शिवसेनेला मत देण्यास सांगितल्याचा आरोप शिवसेनेकडून केला आहे. तसेच छिंदम याला सभागृहात झालेल्या मारहाण प्रकरणी गुन्हा दाखल करण्याचा आदेश पीठासन अधिकारी राहुल द्विवेदी यांनी दिला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
