मुंबई | “पंतप्रधान मोदींनी फक्त अयोध्येला जाऊ नये. तर राम मंदिराची तारीख देखील जाहीर करावी. २०१९ साल संपण्यापूर्वी राम मंदिराचे काम सुरू करावे”,अशी मागणी शिवसेना खासदार संजय राऊत यांनी केली आहे. पंतप्रधान मोदी आज (१ मे) अयोध्येत असणार आहेत. दरम्यान, अयोध्येत जाऊन देखील पंतप्रधान मोदी हनुमानगढी मंदिर, राम मंदिरात जाणार नसल्याची माहिती मिळत आहे. मात्र, पंतप्रधान मोदी या धार्मिक स्थळांपासून दूर राहण्याचे नेमके कारण काय ? यामागचे नेमके कारण अद्याप समजू शकलेले नाही. दरम्यान, याच पार्श्वभूमीवर संजय राऊत यांनी ही मागणी केली आहे.
पंतप्रधान मोदींनी फक्त अयोध्येला जाऊन येऊ नये. तर राम मंदिराची तारीख देखील जाहीर करावी. रॅम मंदिराच्या मुद्द्यावर लोकांनी आपल्याला भरभरून मतदान केले आहे. त्यामुळे आपण आता या प्रकरणी तोडगा काढायलाच हवा. २०१९ साल संपण्याआधी राम मंदिराचे काम सुरू करायला हवे”, असे संजय राऊत यांनी म्हटले आहे. यावेळी संजय राऊत यांनी साध्वी प्रज्ञा सिंह ठाकूर प्रकरणी देखील शिवसेनेचे भूमिका स्पष्ट केली आहे. आमचा साध्वी प्रज्ञाला पाठिंबा आहे. मात्र, आम्ही त्यांच्या वादग्रस्त वक्तव्याचे समर्थन करीत नाही”, असेही संजय राऊत यावेळी म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
