HW News Marathi
राजकारण

भूमिपूजनापूर्वीच शिवस्मारकाच्या खर्चात १००० कोटींची वाढ

मुंबई | अरबी समुद्रात उभारण्यात येणारे शिवस्मारक वारंवार वादाच्या भोवऱ्यात अडकत आहे. या शिवस्मारकाचे अद्याप भूमिपूजन देखील झालेले नसताना आता या स्मारकाच्या खर्चात तब्बल १००० कोटींची वाढ करण्यात आली आहे. शिवस्मारकासाठी २ हजार ६९२ कोटी एवढा प्रकल्प खर्च अपेक्षित होता. मात्र आता शिवस्मारकाच्या उभारणीसाठी लागणाऱ्या विलंबामुळे याची किंमत वाढून आता तब्बल ३६०० कोटींवर पोहोचली आहे.

शिवस्मारकाच्या बांधकाम खर्चात थेट १००० कोटी रुपयांनी वाढ झाल्याने चर्चा आणि टीकांचे प्रमाण वाढण्याची शक्यता आहे. दरम्यान या १००० कोटींपैकी शिवस्मारकाच्या सुरक्षा व्यवस्थेत २३६ कोटी, पाणी आणि वीज व्यवस्थेत ४५ कोटी, आकस्मिक निधीत ११२ कोटी तर संगणकीकरणात ५६ कोटी इतकी वाढ झाली आहे.

ऑक्टोबर महिन्यात शिवस्मारकाच्या पायाभरणीच्या कार्यक्रमासाठी गेलेल्या स्पीड बोटचा अपघात झाला होता. अद्याप या अपघाताची चौकशी देखील पूर्ण झालेली नाही. त्याचप्रमाणे, या स्मारकाचे भूमिपूजन देखील झालेले नाही. दरम्यान, दोन महिन्यांपूर्वी शिवस्मारकाला भेट देण्याऱ्या पर्यटकांकडून ३६०० कोटी रुपये प्रकल्प खर्च ‘पर्यटन शुल्का’च्या स्वरूपात वसूल करण्याबाबत सरकारचा विचार सुरु होता, अशी माहिती समोर येत होती.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

#LokSabhaElections2019 : …आता दुसरी परीक्षा तुमची आहे दानवे !

News Desk

अंधेरी पूर्व पोटनिवडणूक बिनविरोध व्हावी! – शरद पवार

Aprna

“…तर मी कोणत्याही भ्रष्टाचाराला हात लावणार नाही”, संजय राऊतांचा किरीट सोमय्यांवर गंभीर आरोप

Aprna