नाशिक | साडेचार वर्षाच्या चिमुकलीने १० रुपयाचे नाणे गिळल्याने तिचा मृत्यू झाल्याची धक्कादायक घटना समोर आली आहे. शालिनी हांडगे असे या चिमुकलीचे नाव असून आईने खाउ आणण्यासाठी १० रुपयाचे नाणे दिले होते. रविवारी शालिनी अंगणात खेळता खेळता तिने नाणे गिळले असून त्यानंतर ती झोपी गेली.

पण, शालिनीला अचानक त्रास होऊ लागल्याने तिला जवळच्या रुग्णालयात दाखल करण्यात आले. शालिनीवर उपचार सुरु करण्यात आले. मात्र उपचारा दरम्यान तिचा मृत्यू असून उपचारात हलगर्जीपणा झाल्याचा आरोप तिच्या पालकांनी केला आहे.