मुंबई | “नितीन गडकरी म्हणतात कि भाजप हा व्यक्तिकेंद्री पक्ष मुळीच नाही. परंतु सत्य हे आहे कि भाजपने मोदींच्या नावावरच लोकसभा निवडणूक लढविली आहे. ‘फिर एक बार मोदी सरकार’चे नारे दिले आहेत. यात भाजप कुठे आहे ? मोदी-शहांनी संपूर्ण पक्षाला आपल्या कब्जात घेतले आहे. यात नितीन गडकरी पक्षातली आपली जागा शोधत आहेत काय ?”, असा बोचरा सवाल काँग्रेस नेते संजय निरुपम यांनी केला आहे. नितीन गडकरी यांच्या विधानाच्या पार्श्वभूमीवर निरुपम यांनी ट्विट करून आपली प्रतिक्रिया व्यक्त केली.
नितिन गडकरी कहते हैं #BJP व्यक्ति केंन्द्रित पार्टी नहीं है।
सच यह है कि उनकी पार्टी पूरा लोकसभा चुनाव मोदी के नाम पर लड़ रही है।
‘फिर मोदी सरकार’ के नारे लग रहे हैं।इसमे भाजपा है कहां?
मोदी-शाह ने पूरी पार्टी को कब्जे में ले रखा है।
क्या छटपटाहट में गडकरी अपनी जगह ढूंढ रहे हैं ?— Sanjay Nirupam (@sanjaynirupam) May 11, 2019
“भाजप हा कायम तत्त्वांच्या आधारावर चालत आलेला पक्ष आहे. हा कधीही व्यक्तीकेंद्री पक्ष नव्हता. आमचा पक्ष हा जर मोदीकेंद्री किंवा शहाकेंद्री झाला आहे अशी टीका होत असेल तर ते चुकीचे ठरेल”, असे वक्तव्य केंद्रीय मंत्री नितीन गडकरी यांनी केले आहे. “आमच्यासाठी राष्ट्रवाद हा निव्वळ निवडणुकीचा आणि प्रचाराचा मुद्दा नाही, तर तो आमचा आत्मा आहे”, असेही गडकरी यावेळी म्हणाले. एका वृत्तवाहिनीला दिलेल्या मुलाखतीत नितीन गडकरी बोलत होते. याच पार्श्वभूमीवर संजय निरुपम यांनी हे ट्विट केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
