पुणे | पुण्यातील हडपसर परिसराचे आमदार योगेश टिळेकरानी त्यांच्यावर असलेला खंडणीचा आरोप मागे घ्यावा म्हणून चक्क ज्याने तक्रार केली त्याच्या पुढे लोटांगण घातल्याची बाब समोर आली आहे. या लोटांगणाचा सीसीटीव्ही फुटेज फ़र्यादी रवींद्र बऱ्हाटे यांनी सादर केले आहे . या फुटेजमध्ये आमदार योगेश टिळेकर हे खंडणीची गुन्हा मागे घेण्यासाठी बऱ्हाटे यांच्या हातापाया जोडताना दिसत आहेत.
दरम्यान, तक्रारदार रवींद्र बर्‍हाटे यांच्या तक्रारीवरून आमदार टिळेकर यांच्या विरोधात खंडणीचा गुन्हा दाखल झाला होता. मात्र, आमदार टिळेकर यांनी खंडणीचे आरोप फेटाळून लावले आहेत. तसेच रवींद्र बर्‍हाटे हे आपल्यापेक्षा वयाने मोठे असल्यानेच आपण त्यांना नतमस्तक झालो, असेही योगेश टिळेकर यांनी सांगितले आहे.
आमदार टिळेकर यांच्याविरोधात काही दिवसांपूर्वी खंडणीचा गुन्हा दाखल झाला होता. यामुळे टिळेकरांच्या अडचणींत वाढ झाली आहे. त्यामुळे ते आता माझ्या हातापाया पडत असल्याचा दावा रवींद्र बर्‍हाटे यांनी केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
