मुंबई | “मारुतीची आज ‘जात’ काढली जात आहे. अरे कशाला देवांच्या जाती काढता ? निवडणूका जवळ आल्या की यांना प्रभू रामचंद्र आठवलाच. प्रभू रामाचा आणि शिवसेनेचा कधी संबंध आला ? आता शिवसेना राम मंदिर बांधायला निघाली आहे. साडेचार वर्षे झोपला होतात का ?”, असा संतप्त सवाल राष्ट्रवादी काँग्रेसचे नेते अजित पवार यांनी शिवसेनेला केला आहे. “आम्ही सत्तेचा दुरुपयोग कधी केला नाही. परंतु, मागच्या दाराने ही आणीबाणी आणली जात आहे. हा भाजपचा डाव आहे”, असेही वक्तव्य अजित पवार यांनी यावेळी केले.
खेड येथे राष्ट्रवादी काँग्रेस पक्षाची जाहीर सभा पार पडली. जात, पंथ, गोत्र काढून लोकांच्या भावनांशी खेळ सुरु आहे. आज गोत्र विचारले जात आहे. विकासाचा आणि गोत्राचा काही संबंध आहे का ? जाहीर केले ते देता येत नसल्याने आता हे उद्योग सुरू आहेत, असा आरोपही अजित पवार यांनी केला आहे. शहरांची नावे बदलली जात आहेत. नावे बदलून समस्या सुटणार आहे का ? नवीन शहरे करा. यातून काय साध्य केले जात आहे ? असा सवालही अजित पवार यांनी केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
