लखनऊ । आगामी लोकसभा निवडणुकीच्या पार्श्वभूमीवर भाजप अध्यक्ष अमित शहा यांनी बैठक घेण्यात आली होती. या बैठकीत भाजपचे पदाधिकारीसह उत्तर प्रदेशचे मुख्यमंत्री योगी आदित्यनाथ, संघ या बैठकीला उपस्थित होते. सरसंघचालक मोहन भागवत यांनी दसरा मेळाव्यात राम मंदिराच्या मुद्यावर विशेष भर दिला होता. या बैठकीत अमित शहांसमोर संघाच्या पदाधिकाऱ्यांनी राम मंदिराचा विषय उपस्थित केला नाही.
लखनऊमधील आनंदी वॉटर पार्कमध्ये ही बैठक आयोजित करण्यात आली होती. आगामी लोकसभा निवडणुकीच्या प्रचाराची रणनिती काय असावी, तसेच केंद्र आणि राज्य सरकारच्या योजना जनतेपर्यंत प्रभावीपणे कशा पोहोचवल्या जाऊ शकतात, याबद्दलची चर्चा बैठकीत झाली. ही नियमित बैठक होती. भविष्यातील योजना काय असाव्यात, याची चर्चा या बैठकीत झाली, अशी माहिती संघाचे सह सरकार्यवाह कृष्ण गोपाल यांनी दिली. मात्र या बैठकीमध्ये राम मंदिराच्या मुद्यावर चर्चा झाली नाही. सरसंघचालक मोहन भागवत यांनी दसरा मेळाव्यात राम मंदिराचा कायदा तयार करण्यात यावा अशी मागणी सरकार जवळ केली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
