मुंबई | गोव्याचे मुख्यमंत्री मनोहर पर्रीकर यांची प्रकृती चिंताजनक असल्याचे वृत्त समोर येत आहे. गेल्या अनेक दिवसांपासून मनोहर पर्रीकर यांची प्रकृती ठीक नसल्याने ते राजकारणात फारसे सक्रिय नाहीत. मनोहर पर्रीकर यांच्या प्रकृतीविषयी शनिवारपासूनच (१६ मार्च) अनेक उलट-सुलट अफवा पसरविल्या जात होत्या. दरम्यान, आता मात्र मनोहर पर्रीकर यांची प्रकृती अत्यंत चिंताजनक असल्याची माहिती मिळत आहे. गोव्याच्या मुख्यमंत्री कार्यालयाकडून याबाबतची माहिती ट्विटच्या माध्यमातून देण्यात आली आहे. “गोव्याचे मुख्यमंत्री मनोहर पर्रीकर यांची प्रकृती अत्यंत नाजूक असून डॉक्टर्स सर्वतोपरी प्रयत्न करीत आहेत”, असे ट्विट गोव्याच्या मुख्यमंत्री कार्यालयाने केले आहे.
Goa Chief Minister's Office: Chief Minister Manohar Parrikar's health condition is extremely critical. Doctors are trying their best. pic.twitter.com/TnytsbMMzW
— ANI (@ANI) March 17, 2019
मनोहर पर्रीकर यांच्या प्रकृती गंभीर असल्याचे वृत्त शनिवारपासूनच येत असताना भाजपच्या नेत्यांकडून मात्र त्यांची प्रकृती स्थिर असल्याचे सांगितले जात होते. दरम्यान, आज (१७ मार्च) सकाळी मनोहर पर्रीकर यांची प्रकृती स्थिर असून ते फक्त डोळे उघडतात, असे सांगण्यात आले होते.
सविस्तर वृत्त लवकरच…
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
