HW News Marathi
राजकारण

मुख्यमंत्री पर्रीकर करणार लवकरच कामकाजाला सुरुवात !

पणजी | गोव्याचे मुख्यमंत्री मनोहर पर्रीकर हे अमेरिकेहून जरी राज्यात परतले आहेत. परंतु अजूनही ते मंत्रालयात उपस्थित झालेले नाहीत. ते सध्या ते पूर्ण विश्रांती घेत असून सोमवारीपासून पुन्हा कामकाजाला सुरुवात करतील,अशी माहिती मिळत आहे.

“मनोहर पर्रीकर सोमवारी मंत्रालयात येतील,” असे याआधीही मुख्यमंत्री कार्यालयाकडून सांगण्यात आले होते. मात्र, ते सोमवारी व मंगळवारीसुद्धा कार्यालयात आले नाहीत. गेले अनेक दिवस मुख्यमंत्री मंत्रालयात येऊ शकले नसून मंत्रिमंडळाची बैठकही गेल्या अनेक आठवडे घेण्यात आलेली नाही. काही प्रस्ताव मंत्रिमंडळाच्या मान्यतेसाठी बाय सर्क्युलेशन पद्धतीने मंत्र्यांकडे फिरत होते, ते मंजूर झाले आहेत.

मंत्रिमंडळातील एकूण तीन सदस्य आजारी असून ते मंत्रालयात येऊ शकत नाहीत. त्यामुळे आता खातेबदलासाठी भाजपच्या एका मोठ्या गटाकडून मागणी होत आहे. मात्र पर्रीकर यांनी अजून तरी आजारी मंत्र्यांच्या खातेबदलाबाबत फारसा उत्साह दाखवलेला नाही.

काहीच दिवसांपूर्वी गोव्याचे मुख्यमंत्री मनोहर पर्रीकर हे जेव्हा तिसऱ्यांदा अमेरिकेत उपचारासाठी गेले होते तेव्हा ‘पर्रीकरांनी आरोग्याच्या कारणामुळे मुख्यमंत्रीपदावरून पायउतार व्हावे आणि आता दुसरा मुख्यमंत्री नेमला जावा’, अशी मागणी काँग्रेसकडून केली गेली होती. पर्रीकरांच्या सतत खालावणाऱ्या प्रकृतीमुळे भाजपने आता पूर्णवेळ तंदुरुस्त मुख्यमंत्री नेमावा, अशी मागणी काँग्रेसकडून केली गेली होती.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

नाना पटोले यांचा पुन्हा काँग्रेसमध्ये प्रवेश

News Desk

चिमुकल्या विद्यार्थ्यांची सामाजिक दिवाळी

Gauri Tilekar

#LokSabhaElections2019 : पंतप्रधान मोदींनी जाहिरातींवर तब्बल ३०४४ कोटींचा खर्च केला !

News Desk