पणजी | गोव्याचे मुख्यमंत्री मनोहर पर्रीकर हे उपचारासाठी अमेरिकेत गेले असल्यामुळे राज्याच्या व्यवस्थेसाठी पर्रीकरांनी आरोग्याच्या कारणामुळे मुख्यमंत्रीपदावरून पायउतार व्हावे आणि आता दुसरा मुख्यमंत्री नेमला जावा अशी मागणी काँग्रेसकडून केली जात आहे. पर्रीकरांच्या सतत खालावणाऱ्या प्रकृतीमुळे भाजपने आता पूर्णवेळ तंदुरुस्त मुख्यमंत्री नेमावा, अशी मागणी काँग्रेसकडून केली जात आहे.
आणखी किती दिवस मुख्यमंत्री पर्रीकर मुंबई आणि अमेरिकेतून राज्याचा कारभार पाहणार आहेत, असा प्रश्नही काँग्रेसचे प्रवक्ते आणि उत्तर गोवा जिल्हा अध्यक्ष विजय भिके यांनी विचारला आहे. मनोहर पर्रीकर यांची प्रकृती खालावल्याने ते आता तिसऱ्यांदा अमेरिकेत गेले आहेत. बहुजन समाजाचा नेता मुख्यमंत्री होईल या भीतीने भाजपकडून दुसरा मुख्यमंत्री नेमला जात नसल्याचा आरोपही काँग्रेसकडून करण्यात येत आहे.
परंतु गोव्याच्या मुख्यमंत्री पदासाठी कोणत्याही प्रकारचा नेतृत्व बदल होणार नाही असे भाजप नेत्यांकडून स्पष्ट केले गेले आहे. पर्रीकर हे केवळ वैद्यकीय चाचणीसाठी अमेरिकेत गेले असून आठ दिवसात परत येतील त्यामुळे नेतृत्त्व बदलाचा प्रश्न येतच नाही, असे मगो अध्यक्ष दीपक ढवळीकर यांनी स्पष्ट केले आहे.
संबंधित बातम्या
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
